Home » V-Tech » Internet Marketing Thawn Hmeltheihternak

Internet Marketing Thawn Hmeltheihternak

Vancung Thaihlio Technology Internet Marketing

Internet Marketing ti hi tulai Mino pawl lak ih a lar zet mi ṭong fang pakhat a si. Internet ih Pursum, dang lam deuh in kan sim a si ah cu ziang tin online in sum na hlawh thei ding ti a si. Internet Marketing kan ti ve ten kan mitthlam ih a cuang ding mi cu Sertu, Neitu – ṭultu – riantu, hih miphun pathum an si. Neitu le Sertu group pawl in an zur,  ṭultu pawl in an lei. Zurtu le ṭultu karlak ih thil a remcang theinak ding ah zemdarhtu, riantu pawl in an rian (service an pek).

Internet Marketing kan ti tik ah a hraung hi a kau nasa. iMarketing ti kau zet le thu lu tam zet lak ih sin ka mah thawn a remcang bik ding, a practical bik ding ti ih ka ruat mi thulu pahnih tanglang a duh.

1. Content Marketing

Content Marketing ti cu thu le hla (information), zuk, zuknung mawi zetzet, mi ih an theih duh mi an zoh duh mi pawl na pek. Na website, na blog ah man a nei zet mi information pawl na na tar lang, mi ih an duh mi zuk, zuknung hla pawl na nei ruangah ah mi tampi na website, na blog ah a lengtu na nei. Internet Marketing ṭong in cu “traffic” an ti.

Hih Content Marketing ah cu “No Traffic, No Money” an ti. Na content, na information pawl zohtu, leng tu na nei lole sum ngahnak lam zin a um lo. Ziangtin hih content pawl in Sum kan ngah thei ding. Hih content Marketing ih sum ngahnak cu Advertisement in a si.

Contextual Ads: Contextual Ads ti cu na website, na blog thawn a rem cang bik ding mi ads, tilarnak banners, links pawl a mah ten code na ret raungih a ra mi a si. Contextual Ads a pek tu company tampi an um cu pawl lak ah Google Adsense cu a lar bik.  Yahoo! Publisher Network, Microsoft adCenter, Advertising.com, Smution, Adbirt ti pawl tla cu an lar ve nan Google Adsense an tluk lo. Hih C Ads nei thei ding in Website or Blog na nei a ṭul. Na Website, na blog in an Ads company ah apply na tuah ding. An site kha review an tuah ding ih a policy thawn a rem cang a si ah cu member sinak na ngah ding.

Chin le kawl web/blog thawn cu apply a theih lo, kan ṭong Google Adsense maw a dang company pawl in a thei lo, an area sung ah kan tel hrih lo. Nan approve an tuah mi web.blog na nei ah cu cu mi ads code pawl chin/kawl blog pawl ah ret theih a si ko.

A tlang pi thu in Contextual ads pawl cu PPC (Pay Per Click) le Pay Per Impression tiin sum mi an pek. PPC ti cu na Website, na Blog ih an Ads pawl lengtu traffic pawl in an click le sum na ngah ding. A thup ten an Ads nangmah ten na click maw na rualpi pawl na click tivek a si le an lo dawi suak ding. Hih contextual ads pawl kha an mah le mah an humhualnak hrang Pay Per Impression ti in sum a pek. Pay Per Impression ti cu lengtu zaktek in, Google Adsense cu 1000 impression ah 1$ a pek. Impression mal zet ih Click sang zet tivek a um ṭheu raungah (doubt condition) CPC an tiih Click Per Cost, na impression le click kha milh aw ding in an zaran ter.

Text Ads: Na website, na blog par ih cafang parah link te automatic in a ra lang ding. Cumi link text kha visitor pawl in an click le sum na nbah ding. Text Ads a pek tu company pawl lak ah Infolinks le Kontera cu an hmin thang.

Manual Ads: Manual ads cu na website, na blog ih side bar, header, footer pawl ih hmun lawngnak ah tilarduh tu pawl in tla khat, zarh khat, kum khat ziangzat ti in an banner, text pawl an tilar.

Website hmin thang tampi cu contextual ads a hmang lem lo, manual ads an duh sawn. Ziangah ti le contextual ads cu web.blog master in a duhduh in a control thei lo. Ads Company in automatic in a ra.

Hih marketing ih um daan cu TV program hrekkhat thawn an bang aw. TV program/Channel hrekkhat tla free in mi zoh theih ding in an pek. Nan tilarnak man in an nung. An program a lar deuhdeuh, mipi in an duh deuhdeuh le an tilarnak/Ads man a khung deuhdeuh. Hi content marketing ih um daan tla cu vek a si.

Na content, na website, na blog hrangah ziangtin Traffic (lengtu) na ngah ding ti pawl, SEO (Search Engine Optimization), SEM (Search Engine Marketing) ti pawl neta ah kan rel leh ding.

2. Affiliate Marketing

Affiliate Marketing ti cu mi thil zuar sak ruangah commission fee ngah mi kha si. Tulai leitlun company tampi in affiliate program an nei. Hih affiliate marketing cu online ih hmang a si vek in online lo ah tla hman a si.

Webhosting Company pawl (Powweb, Blue Host, Dream Host, Godaddy, etc…), eCommerce pawl (eBay, Amazon, etc…), email service (Aweber, iContact, Constant Mai, etc… ), hih company pawl in Affiliate program an nei thluh. An thil na zur thei a si le commission fee na ngah ding. Ziang zah percent ti cu a company le an product ih par in a dang aw vivo ve.

Affiliate Marketing thawn pehpar aw in Affiliate service a petu company pawl an um ve. Cu pawl lak ih a hmin thang mi pawl cu Click Bank, PayDotCom, CJ ti pawl an si. Product a nei tu pawl in hih Affiliate Companay pawl hnen ah a prodect an ap ih zuartu pawl in a duhtu hnen ah an zuar.

Tahṭhimnak ah Kei Salai A, Nang Salai B. Kei Salai ‘A’ in cabu uk khat ka ngan, Cabu thulu”Harhdamnak le Mawinak Rawl”. Khawi ah zuar ding ti ka thei lo, market ka hawl thiam lo. Curaungah affiliate company a si mi ClickBank ah ka ap. ClickBank in review an tuah hnu ah an Market Place ah an ret. Salai B cu Internet Marketer pakhat a si. Clickbank ih affiliate member pakhat a si. Thil zuar ding a hawl. Salai A ih ngan mi “Harhdamnak le Mawinak Rawl” ti a hmu. Hi cabu mipi in an duh ding a zum. Cui Cabu ih link, a mah member id um mi, te cu a lak ih a Facebook in maw, a website ah maw, a blog ah maw, email in maw a zuar. Zuar ngah mi sungih sin ClickBank in Salai A kha 50% a pek, Salai B kha 30% a pek ih amah ClickBank in 20% a co. Cucu Online Affiliate Marketing ih um dan a si.

A dang Social Media Marketing, Email Marketing, Article Marketing ti pawl tla a um lai nan hi vial in kan Internet Marketing Hmeltheihternak cu ka cawl hrih ding.

Francis Cung Bik

V-Tech

 

Share This Post

Google1YahooRSS

2 Responses to Internet Marketing Thawn Hmeltheihternak

  1. Thang Tin Lian Reply

    March 22, 2012 at 7:20 pm

    Na ngan tha tuk. Kan mino tampi in tuhnu reiloteah an mamawh leh vio ding. Hi thu thawn pehparaw deuh in, Paypal pawl leh online ih thilleithei dan leh online ih sum kuat awk thei dan lam tla run ngan leh aw la kan that hnem pi vio ding. Tunah ramdang kan laimi pawlin organazation phunphun ah paisa tam tham si lo, kuat ve duh si, tivek siseh la, Paypal account tivek neih ih a awl sam zia vek an thei hai ding nan. Atamtham kuatawk cu a har lo nan, malte lawng kuatawk duh tikah khawngawk len kan harsat siih, hivek tete in mit in vang ter ding ti ruahsannak thawn ka run lo request a si hi.

    • vcth Reply

      March 24, 2012 at 5:11 pm

      Kan Rak zuam vivo ding, lungawi.

Leave a Reply

Your email address will not be published.

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>