Irrawaddy ramthen ih Kawhhran pakhat khing tuar

Home » Thuthang » Ramsung » Irrawaddy ramthen ih Kawhhran pakhat khing tuar

By vcth on November 13, 2017.

Irrawaddy ramthen, Cung-pyao peng ih DCF timi Khrihfa pawlkom pakhat cu khing (tazacuai) an tongih biak khawmnak/tonkhawmnak nei lo dingin ramthen cozah in thu a pek.

Cung-pyao pengih Khrihfa mino pawl cu Hlesik khua ih DCF (Khrih Dungthluntu Pawlkom) timi kawhhran ah Camp/tindan an kai. An sungkhat pawl in an ko sal tikah camp in suak sing an si nawn lo ruangah buainak a suak.

DCF ih feh daan cu hmaisa zumtu pawl, Rom san lai ih zumtu pawl vekin hmunkhat ah innsang khat vekih um ih Pathian rian ding ti a si.

DCF ih hruaitu pakhat a simi Daw Ni Lar Htun cun, “hihi Leilungpi semsuah hlan ihsin Pathian ih tumtah ciami a si. Asinan sankhat le sankhat Pathian ih hnatuan daan, mi hman daan cu a bang aw lo. Kannih hi Pathian ih hrilmi kan si. Thlarau thinghlim kan sungah a um ih Pathian thawn pumkhat kan si,” tiah a ti.

Asinan Poo Karen Baptist Association pawl cun DCF cu feh sual an siih Khrihfa biaknak tthekdarhtu an si tiah a ti.

Nu le pa hrekkhat in an fale pawl an pehtlaih theilo, an ko sal thei nawn lo ruangah minung firnak in ramthen palik hnen ah khing an si. Asinan DCF tuanvo neitu lam cun, ‘hi nauhak pawl in an nulepa an taan lo, an nulepa pawl sawn in an thlun lo ruangah a si,’ tiah an ti.

Hi thu hi Irrawaddy ramthen Hluttaw sung tiangah rel a si. Asinan anmah a tuartu rori ih khingnak le DCF tuanvo neitu pawl ih an sualnak rori kai ngahmi a um lo ruangah zianghman daan tat thei an si lo.

Source: DVB

Na ruahnak