Israel rampi in na parah kan lungawi kumkhua ding

Home » Thuthang » Leitlun Thuthang » Israel rampi in na parah kan lungawi kumkhua ding

By vcth on December 7, 2017.

Israel Prime Minister Benjamin Netanyahu in US President Donald Trump hnen ah “Israel rampi le Jew mipi in na parah kan lungawi kumkhua ding,” tiah lungawinak a langter.

US President Donald Trump cun Jerusalem khawpi cu Israel ram ih khawlipi sinak langternak ah US Embassy cu Jerusalem ah ret a si ding tiah a than.

Prime Minister Benjamin Netanyahu cun, “Jerusalem cu tuhlan kum 3000 ihsin Jew pawl ih khawlipi a si. Hi hmun ah kan Siangpahrang pawl hmun an rak khuar. Hi hmun ah kan prophet pawl thuthangtha an phuang. Jew mipi hmun dangdang ih kan tthek darh aw hman ah Jerusalem pi kan hlam. Jerusalem ih phar dawl kan kut in dai ding a hlamtu kan si. Tusun ah President Trump in Jerusalem cu Israel ih khawlipi ti a than fiang runagah kan lungawi. Ram dangdang pawl tla Jerusalem cu Israel khawlipi sinak nemhnget in Jerusalem ah nan embassy rak tthawn cio uh. President Trump, tusun ih san roling na thu nemhngetnak parah kan lungawi. Israel rampi le Jew mipi in na parah kan lungawi kumkhua ding,” tiah a ti.

Na ruahnak