Italy (Milan) Club tiang ih kawh an duhmi Salai Christopher Shalom Lal

Home » Lehpannak » Italy (Milan) Club tiang ih kawh an duhmi Salai Christopher Shalom Lal

By vcth on November 17, 2017.

Rev. James Hlawn Nei Thio le Nu Len Thiam teih fapa Salai Christopher Shalom Lal cu Falam khua suak a si ih a tu UAE Dubai ih Sevens Aside club ah a lek ih , Mino bawhlung sit zirnak CFFA Football Academy ah U16 head coach tuah phah rero tu a si.

Chinmi pawl in kan rak theih tuk lo mi Salai Christopher Shalom cu Mizo Ram le India Ram in Club hminthang pawl ah rak lek in hminthangnak a phunphun rak ngah dahtu khal a si ih Mizoram Football Association ih tuah mi SUPER CUP 2017 khal ah Chhinga FC ah lekin Champion rak lak pi ve tu asi.

Salai Christopher Shalom Lal ih India ram ih a rak lehnak le laksawng a rak ngah dah mi pawl cu SDT Kannur Club ah lek in 2011 -2012 season ah Inter State Champion an ngah, cun Club League ah an champion ih top scorer a ngah. 2012-2013 season ah Sesa Goa ah a lek ih, 2nk an ngah.

Cun ALL India sevens ah Chennai FC hrang ah a lek ih Inter State ah voi 12 an champion, voi 7 ‘best player of the tournament’ le 13 ‘man of the match’ a ngah. 2013-2014 season ah Sunrise Guwahati hrang ah a lek ih league ah 3nk an ngah ih voi 2 man of the match a si.

2014-2015 ah the Brothers Kannur team le All India Sevens tournament ah FC United Mumbai hrang lek in Champion Trophy 8 an ngah, voi 4 ‘best player of the tournament’, voi 2 top scorer, voi 3 ‘man of the match’ pawl tla rak ngah dah tu asi. Kum 2016 August ah Khan ITALAY ih MILAN Club ih lek dingin rak kawh mi ah a tel ve nan remcang sal lonak ruangah a rak feh sal lo.

Na ruahnak