Voikhat cu Japan pa pakhat in a inn hlun siatbal ih inn thar saksaldingin a inn phar a siat. Japan pawlin inn an sak tinten inn phar tlap hnih hmangin a lai lakah kawlawng in an tuah ṭheu ih, cui inn phar karlak ah dolhte (dekder) pakhat, hmundang ih feh le tlan thei lo dingin thil pakhat khat in a rak cep ngahmi a vun hmu ngah.

Cui dolhte ih ke cu phar lenglam ihsin tlawngkhen (thirte) pakhat thawn an rak khen ngah cih pangmi a rak si. A zangfah ngaingai. Ziangti ngelcel in kan rak khen ngah pang a si pei ti ruatin ṭhaten a vun zoh rero tikah a liam cia kum 10 lai ah inn saknak ih an rak hmanmi tlawngkhen fate pakhat thawn an rak khen ngah pangmi a rak si.

Kum 10 rori ziangtin a nung ringring thei? Phar thingpheng tlap hnih karlak, khawthim hnuai-ah kum 10 rori ziangtin a rak um thei? Khui hman feh thei lo le, cang thei loin kum hi hmuah ziangtin a nungdam thei? A mang a bang tuk! Cutin a hnaṭuan colhsan tahratin cui dolhte cu ziangtin a nungdam ringring thei ti ruatin a zoh cuahco.

Tawkfang a rei hnu-ah dolhte pakhat in rawl ei ding a ra sum ih, a umhmun ah a fah rero lai a vun hmu ngah. Ramnung fate dolhte pakhat in a rualpi mi bang lo le mi ṭawnṭai hrangah ei-in a pek rero a hmu ngah cu thawthawt ding hman theihhngilh ding khopin mak a ti tuk!

Kum 10 tluk rori cawl lo bang loin le thinbang mai loin, a rual dolhte rawl a pe ringringtu dolhte thu a vun ruat.

Ka rualpi, nulepa, ulenau, sunglekhat, hnaṭuanpi hrangah cui dolhte vekin ka tuah thei ve pei maw?

A fate zetmi ramnung dolhte hmanin harsatnak a tuartu a rualpi cu kum 10 tluk rori harsatnak a phunphun karlakah a tuamhlawm thei ringring asile…..

Thuruat thiam le thiltithei milai pawlin kan kiangkap sungkhat, ulenau, rualpi pawl kan duhdawt thei ve lo ding maw?

Salai Kharkhem

A Peh-tlaimi Cahram :

SANGKATE

Hmuhdaan

Run A Man Mi Si Dingin

Caantha Theithiam Aw

Comments

comments