Salai No Hmung
Hnaṭuannak in, a tlun kel ten bang le thintawi nawn in inn lam a pantu mi pakhat cu, a inn sangka hmai in a fapa kum ngan hrawng in a rak hngak kha a hmu.
“ ka pa thu pakhat ten ka lo sut duh… a ngah pei maw?” a fapa cun a ti.
“ aw… ziang saw…. In sim hnik hmen” tiah a ti.
“ PaPa… na zii pakhat ah ziangzat na ngah”
“ Cuvek… nauhak theih ṭul lo…ziangruangah cuvek thu in sut?” tiah a pa cun thintawi zet in a kawk.
“ ka thei duh ih pan teh… zangfah ten, in sim thei pei maw… nazii pakhat ah ziang zat na ngah ti..” nauhak pa cun zangfah a dil.
“ na thei duh tuk ah cun… siko e.. na zii pakhat ah ks.2000 ka ngah”
“Oh!” nauhak pa cu a luu a kuun. A par lam ah a luu a tung sal ih
“ PaPa.. ks.1000 hrawng in cawih thei pei maw?”
A pa cu a thin heng sinsin.
“ Cuhrangah maw ziangzat ka ngah ti thei na rak duh tuk. Culawngah ka hnen in tangka in cawi ding ih asi lolo a ṭul lo mi leknak na lei ding si pei cu… A tu rori na khan sungah va feh aw la dai ten it… na thei maw… kei hmuah ni hlawh in bang rerawn hna ka ṭuan. Lehnak men ah ka caan ka lo pe thei lo.”
Nauhak pa te cu daiten a khan sung ah a feh. Dim ten sangka cu a khar.
A pa cu a to ih nauhak aa thu sut mi cu a ruat sal. Tangka mallai a ṭul ruangah kha bang in sut ngam si ding. Nazii pakhat lai a rei hnu, a thin a dai ngah ciamcaim in a fapa par ah a thinhneng pang mi a ruat ngah sal. A nih khal ks1000 man leknak a lei duh ve ding si khawh. Veikhat hman thu in sut dah kel lo. A pa cu a fapa ih sang ka kiang ah a va feh. Sangka cu a ong.
“ pate, na it that zo maw?” tiah a sut.
“ it that hrih lo, PaPa” nauhak pa te cun a ti.
“ ka ruat sal ih mi tute na par ah ka thinheng pang. Ka bang tuk ih ka thin a tawi ngah pang si kha. Heh… na duh mi ks.1000 cu….”
Nauhak pa cu lungawi sopar ten a hnung tho “ Oh! Ka lungawi, PaPa” lungawi aipuang in a au. Cun, a luu kham tang cu a vun pur. Tangka nawi pawl cu a porh. A fapa in tangka a neih kha a hmu tikah a pa cu a thin a so in a so.
Nauhak te cu a tang ka pawl nuam teten a siar. A pa a hun zoh.
“ Tangka na nei ko mi ziangah na duh bet” tiah a pa cun a sut.
“ ziangah tile a kim hrih lo ih pan teh… a tu cu a kim zo” tiah a sawn.
“ PaPa… a tu ks.2000 ka nei kim zo.” Ngam lem lo in “ Um….Na caan Nazi pakhat sung te ka lo lei thei pei maw, PaPa”
Ronmi: Buying Time from Dad
