Kalay ah Chin nauhak pakhat mawtaw pahnak in thi

Home » Thuthang » Chin News » Kalay ah Chin nauhak pakhat mawtaw pahnak in thi

By vcth on November 3, 2017.

Kalaymyo, Taungzalatt No. 3 ih um Pu Sui Peng Lian ih fapa Gideon Van Bialk Lian, kum 4, cu November 3 sun nazi 12:30 hrawngah mawtaw pahnak in a nunnak a cem tiah theih a si.

Pu Sui Peng Lian in, “Ka fapa le ka u ih fapa thawn car gate ah thil kuat dingin kan feh. Holiness Biakinn hmai ah ka tanta ih gate ahcun reilo te thil kuat ah ka feh. Kan tlun lam ahcun ka fapa cu mawtaw pahnak ruangah a ril ih a nunnak a cemmi ka hmu,” tiah a ti.

Pu Sui Peng Lian nih cun, “kiangkap um pawl ka sut ih Mawtaw mawngtu pa hi zuu a ri an ti. Mawtaw mawngtu pa a hmin cu Pa Cin a si tiah an ti,” tiin Chin Rawn hnen ah a sim.

Source: Rawn Chin

Na ruahnak