Kawlram Politics Timi cu…..

Home » Cahram » Kawlram Politics Timi cu…..

By vcth on November 3, 2015.

Political Prisoner Myanmar

B.A (Thang), Salai

Prof. Maung Maung Gyi cu Mandalay University hi History Department ah Professor rak ṭuantu a si. Ma-Sa-La cozah parah soiselnak tampi a rak tuah ih dawi a tuar. U.S.A ah a tlan ih US ah Professor a ṭuan. USA ah um phah in Kawlram thu thawn pehpar awkin cahram tampi a rak ngan. Himi Burmese Political Values timi cabu kha zarh tin Taluk flim vekin rak ngan thei ka tum ding. Cabu ṭha zet le siar ding rori a si mi cabu tiih ka ruat mi a si.

Bung (1) nak

Pagan San ihsin Dictatorship timi daan hmang mi Siangpahrang pawl tangah a rak ummi Kawl mi pawl hi mirang hnen ihsin independence an ngah ih Parliament System an hmang hman sehla dictator idealism hi an hlon thei hrih lo. Dictatorship daan le ruahnak hi kawl mi pawl ih ruahnak ah tuni tiang an um lai. An lungkim pi lai vek ah a cang.

General Ne Win in 1958 le 1962 pawl ah thuneihnak lak in Dictatorship Siangpahrang daan in ram a din. A tu General Than Shwe tla General Ne Win vek thotho a si ko. Mipi Society ah dictatorship a nung thei mi hi mipi in um hmun a pe ruangah a si. Mipi in an lungkim lo sile Dictatorship thi ding hrangah a phunphun in an zuam ding a siih saupi a nung thei lo ding tin Dr Mg Mg Gyi in a ti. Curuangah 1962 ihsin officially a rak si mi Ralkap Dictatorship daan a um ter mi kawl mi pawl ih political philosophy hi kan zoh a ṭul a ti. Ralkap Uk-awknak Hierarchical System a nung thei ding in lamzin tuah saktu Kawlram mi pawl ih Political cin le daan le thurauh parah ṭan bul nei loin ka hmu vekin ka ngan ding a ti.

Ram mi pawl ih lungkim daan parah zoh in Governing system a rak suak. Cozah le Mipi pawlkom daan cun Political System in reflection a tuah. Ram pakhat ih Political daan le thurauh cu Governing system in a lang ter. Asinan, Mipi ih philosophy le Political Nunphung cu a tu lawng ah a cang suak mi thu cu a silo. A cem zo mi thuanthu pawl sungah a um mi Political daan, thuanthu pawl, customary pawl, nungphung pawl le Upa pawl ih thusim mi pawl ah kawlmi pawl ih thu ruah daan hi kan hmu thei.

Mirang pawlin inkum 60-126 sung an uk sungah cozah le mipi karlak ah pehtlaih awnak zianghman an tuah lo/a um lo. Dictatorship daan pawl hi Pursum thangso lo le a cangkang lo mi daan a si. Curuangah Nitlaknak ram pawl le ram ṭhangso pawl ah a cang tikah Dictatorship cu a thi cihnak a si.

Dictatorship ahcun thu a petu leh AW a ti tu lawng a um ih politic ah mipi a tel thei lo. Politic timi hi group pakhat in tuah mi thu a si tin lawng an ruat. Ram pakhat ih Political Process timi kan zoh tikah Political nunphung kha ṭhaten kan hlethlai a ṭul. Kum za in a rak um cia mi Political philosophy le culture pawl hi tu ni tiang um daan a phunphun in a nung lai. A hlo ding cu a har ngai. “A thi cia mi pawl ih Customary Culture pawl hi a nung rero mi pawl ih thinlung ah mang sia vekin a um ringring ṭheu” tin Karl Max in “The Eighteenth Brumaire of Lousi Napoleon” timi cabu ah a rak ngan mi tla Dr. Mg Mg Gyi in a cabu sungah a lang ter. Curuangah tuni tiang a nung rero mi Kawl Political Philosophy le zumnak parah ṭhaten kan zoh a ṭul tin a ti.

Kawl fimthiamnak zirnak a si mi Phunki tlawng pawl hi Kawl Political Philosophy a suaknak hmun pi a si. Curuangah mirang saan ah modern education an zirh nan Foundation vek a si mi ruahnak cu an thleng thei lo. Siangpahrang Uk awk daan le mirang saan uk awk daan an thleng nan ram hruai tu pawl le mipi feh pi daan a rak thleng lo. Democracy ih principles pawl parah kawl mi pawlin an thei lo. An thei ding hrangah tla mirang cozah in a rak zuam sak lo. Cozah ahcun ziang cozah a si khal ah ṭih ding timi lawng kawl mi pawlin an thei. Hitivek khuahlan ruahnak pawl a um lai mi ram ah Khuahlan Dictatorship a um rero nak a si tin Prof. Maung Maung Gyi in a ti.

(Burmese Political Values: The Socio-Political Roots of Authoritarianism by Dr. Maung Maung Gyi (1920-88)

Jul 24, 2010 ih rak post zo mi

Na ruahnak