Kum 12 nauhak nu sualpi hnu ah that

Home » Thuthang » Ramsung » Kum 12 nauhak nu sualpi hnu ah that

By vcth on March 2, 2018.

Kachin ramkulh, Mogaung peng, Aung Mingalar khua ih um Ma Mo Mo Aye kum 12 cu thing a hlamnak ah mi tthalo in an sualpi hnu ah an that tiah theih a si.

U Aik Kuan le Daw Mya Yin te ih fanu Ma Mo Mo Aye, kum 12, phun 4 kai lai le a naupa cu February 25 zing ah thinghlam dingin hramlak an feh. Ma Mo Mo Aye cu a ti hal ih ti in dingin thlam ah a feh. A fehnak a rei thlangnan a kei sal lo ruangah a naupa cun a va hawl. Zinglam nazi 11:00 hrawngah a naupa cun a u Ma Mo Mo Aye cu hriamhma tam zet thawn a thi cia in a hmu.

Ma Mo Mo Aye cu sualpit a si hnu ah a hngawng, a kehlam kut, a pum, a ttang, a kawng pawl ah nam dawtnak hriamhma in a thi.

Hi thuthawn pehpar aw in Mogaung hrambum zatlang pawl kom pawl in ti thei tawkin an ttanpitnak an nei.

February 28 sun ah Mogaung palik in mi sualpi ih thattu tiih an zum mi U Khin Maung Htee , kum 37, le U Maung Yee, kum 58, cu an kai tiah theih a si.

Na ruahnak