Kum 15 nauhak nu sualpi hnu ah an that

Home » Thuthang » Leitlun Thuthang » Kum 15 nauhak nu sualpi hnu ah an that

By vcth on May 29, 2016.

Indiaram nauhak

India ram, Uttar Pradesh, Bahraich ah kum 15 nauhak nu cu mipa bur in an sualpi hnu ah thingkung parah an thlai that tiah theih a si.

A sualpi tu hi mipa 3 an si ding tiah zum a si. Sualpi tu ih zummi mipa 2 cu kai an si zo ih a dang pakhat tla hawl rero lai a si.

Hi mipa lakah mipakhat cu hi nauhak nu thawn thei aw mi an si. Cu pa ih lemnak in nauhak nu cu a dang mipa 2 thawn an kai hrem ih an sualpi. Cun thingkung parah a hngawng in an thlai. Amah le mah that aw vekin an tuah.

Sizung ah a ruak an cek tikah sualpi a tuar thu, a hngawng rek a tuar ih a taksa hmung dangdang ah tla kaihhremnak hmun pawl hmuh a si. (NDTV)

Na ruahnak