Kuva in Dang Cancer a Suah Ter

Home » Cahram » Kuva in Dang Cancer a Suah Ter

By vcth on September 2, 2012.

Dang (Throat) cancer cu kawlram ah mithat tu hriamhrei tumpi pakhat a si nan zohman in ziang cuca thupi ah an ruat lem lo. Dang cancer kan ti ve ten Kuva (Paan) le kuat cu hmaisabik ih zoh lo theih lo mi thil an si. Hlanlaisan ihsin Kuva (a hleice in kawl pawl) cu rak ei a si nan tulaisan vekin sii a phunphun an rawi lo. Hlanlai ah haṭuahsii tla an rak nei lo ih an kamsia kholhnak ah Kuva cu an rak hmang. Ngaithiam theih a si ti sehla a sual lo men ding. Nan tusan ahcun kamsia ruangah kuva ei a ṭul lo. Haṭuahsi ṭhaṭha a um zo.

Yangon mipum zatek 20% cu kuva ei an si ti si. Tuhlan kum 10 lai hnak in kuva ei tu 30% an karh ti si. Kuva in cancer a suah pi lawng si lo in thil dang siatnak tampi a suahpi bet. A mawi zet mi ha pawl tla dum, sen ut ah a cangter ṭheh. Cun ha-hni damlonak tla a suahpi fawn. Kiang le kap tla a bal ter,  a buahcih ter.

Kan rampi a ṭhangso mi ram ah a pan rero thlang. Santhar, san man mi ram si ding in cu kuva ei cu san a man nawn lo. South East Asia ram tampi an pipu dan (traditionally) in kuva an rak ei ve cio nan santhar, san a man mi ram an din tikah kuva cu an hlon hlo. Cozah khal in a kham, hrawhdamnak lam khal in an kham.

Hi a par lam thu pawl ruangah kuva a ei zet tu (a cuai tu) pawl in mal vivo, ei tuk lem lo tu pawl in ei lo lawlaw thei ding in zuam cio uh si.

Kuva ei lo ding

Kuva in Dang Cancer a Suah Ter

Na ruahnak

3 Responses to Kuva in Dang Cancer a Suah Ter

  1. Thangte   September 5, 2012 at 12:33 am

    Dear,
    Moditor hi mi group ah ka lut duh. In rak tawl rel sak ding in ka duh.

  2. Thangte   September 5, 2012 at 12:38 am

    dear,
    hi mi in pii sung ah ka lut duh ve.

  3. vcth   September 5, 2012 at 2:56 pm

    ziang ti zawng in tel na duh?