Las Vegas kahnak ih a thimi hrekkhat pawl

Home » Thuthang » Leitlun Thuthang » Las Vegas kahnak ih a thimi hrekkhat pawl

By vcth on October 3, 2017.

Las Vegas, Mandalay Bay ih October 1 zaan, Route 91 Harvest Country Music Festival ih kahnak ah mi 59 an thi ih mi 500 lenglo hriamhma an tuar. A thimi pawl lak ih theihmi hrekkhat tla cu –

Sonny Melton (Nurse)

Sonny Melton, kum 29, cu Henry County Medical Center, Tennessee ih Nurse tuan rero lai a si. Hi concert ah a nupi thawn an zoh ih a nupi Heather Melton cu thi lo in a luat. Heather Melton in, “keimah hrangah a nunnak a laim. Meithal awn kan thei in ka ban in in dir ih kan tlan. Cun ka bah ih cutin i thoter zawngah a dunglam in cerek in a ngah,” tiah a ti.

Rachael Parker (Palik)

Rachael Parker, kum 33, cu Manhattan Beach, California ih palik hnatuan a si. Palik a tuannak kum 10 leng a si thlang. A hnatuan cawlh caan ah Las Vegas ah country concert zoh in a feh ih cutin a nunnak a cem.

Angela Gomez (Tlawngta)

Angela Gomez cu Riverside Polytechnic High School, California ih tlawngta a si. Angela cu mi nunnem le mi lungawitertu, hnisiamsi ringringtu a si. A nauhak lai ihsin an tlawng ih Cheerleaders, chior ti vekah tla a rak teltu a si.

Sandra Casey (Tlawng Sayama)

Sandra Casey cu Manhattan Beach Middle School ih tlawng sayama a si. A hnatuanpi Mike Matthews in, “hi kahnak ah Sandra a tel ti kan thei in tlawngta zaten le a hnatuan pi zaten kan riah a sia zet,” tiah a ti.

Jenny Parks (Tualleng Tlawng Sayama)

Jenny Parks cu Lancaster School District, California ih tualleng tlawng sayama a si. A pasal Bobby Parks tla meithal kah hriam a tuar ve nan thilo in sizung ah a um lai tiah theih a si.

Susan Smith (Manager)

Susan Smith, kum 53, cu Vista Elementary School ih Office Manager a si. Susan cu tlawnglam hna a tuannak kum 16 leng a si thlang. Amah cu Country duh zettu a si.

Source: CNN

Na ruahnak