Lebanon ah British embassy ih hnatuantu an sualpi hnu ah that

Home » Thuthang » Leitlun Thuthang » Lebanon ah British embassy ih hnatuantu an sualpi hnu ah that

By vcth on December 18, 2017.

Lebanon khawlipi Beirut ah British Embassy ih hnatuan Rebecca Dykes, kum 30, cu an sualpi hnu ah an that tiah theih a si.

Rebecca Dykes cu 2010 ihsin cozah hnatuan a si. December 15 zaan ah khawsung bar pakhat ah a leng. A zumnak ah Bar ihsin a suak hnu reilo te ah mipa burkhat in an kaihrem, an sualpi ih an that tiah ruah a si. December 16 sun ah palik in a ruak an hmu.

Rebecca Dykes ih a ruak cu Dahr al-Bashak Hospital ah an kuat. Tuanvo neitu pawl ih an zohnak ah Rebecca ih a ruak parah nam dawtnak hriamhma hmu a si.

Thil um daan zoh tikah ramkhel thu thawn pehpar ruangih thahmi a si ding a bang lo.

Rebecca cu University of Manchester in Phunsang tlawng a ttheh ih University of London in International Security and Global Governance thawn master tthehtu a si.

Source: DailyMail

Na ruahnak