Leicester City in an manager hnatuan banter

Home » Lehpannak » Leicester City in an manager hnatuan banter

By vcth on February 24, 2017.

2016 English Premier League champion Leicester City cun an manager Claudio Ranieri cu tu kum a ti ttha lo ruangah a hnatuan in an ban ter.

Leicester City cu tu kum puai 25 an lekmi ah puai 5 lawng an neh ih puai 14 an sung. Hmat 21 lawng an nei ih premier league ih um peh ding hman harsa dinhmun an si.

Champions League cu 16 round tiang an kai ih 16 round ah Sevilla hnen ah 2-1 in an sung. Asinan Leicester City cu an mai inn ah lek sal ding an siih chance an nei lai tiah ruah theih a si.

Zianghman lo dinhmun in Leicester City EPL champion le UEFA Champions League tiang a thlentu Claudio Ranieri hnatuan suahnak parah Leicester City fan tampi an lungawi lo, Claudio parah ruahsannak 100 ah 100 an nei lai.

Na ruahnak