Leitlun Hmun Mak 5, Theihlar Tuk Lemlo Mi

Home » Hmun Le Hma » Leitlun Hmun Ropi » Leitlun Hmun Mak 5, Theihlar Tuk Lemlo Mi

By vcth on October 28, 2014.

Leitlun hmun ropi (World’s Wonders) ti vek ah cu an tello, mi ih theihlar tuk mi hmun le hma pawl tla cu an si lo nan, hmun mak le mawi pawl an si.

1. Darvaza Gas Crater, Turkmenistan

Darvaza Gas Crater, Hell sangka ti ah tla an khawh mi, meisa khur pi cu Pi 196 a kau ih pi 65 a thuk mi a siih Karakum nelrawn Turkmenistan ram ih um mi a si. Himi meisa khur hi mahte cangmi cu a si lo. Gas khur a rak siih vansiat ah a rak puak ih cutin tu tiang meisa a mit nawn lo. Mit lo in mei a alhnak kum 38 a si thlang.

Darvaza-Gas-Crater-Darvaza-Turkmenistan

Darvaza Gas Crater, Turkmenistan1

2. Jeita Grotto, Nahr al-Kalb Valley, Lebanon

Jeita Grotto cu Lebanon ram ih lungkua saubik, peng 5 le hrek tluk thuk, a siih leitlun ih ti-ek (stalactite) par lam ihsin a thlai aw mi saubik (26.9′) umnak hmun khal a si. A sungih lengtu pawl sukso nuam deuh dingin fehnak zin, tabawah a mawinak siatlo dingin, an tuah.

Jeita Grotto

3. Mount Roraima, Guyana/Brazil/Venezuela

Roraima tlang cu Venezuela (85%), Guyana (10%) le Brazil (5%) tonkhawmnak ih ummi tlang a si. A tlang cu cang dawlmi vekin lungkham pi a siih pi 1300 tluk a sang. Tlangpar ihsin tiva fate a luangih tlang kham ihsin tlasuar mawi zetin a tlak.

Mount Roraima

4. Belize Barrier Reef, Belize City

Belize Barrier Reef, mepian tikhur tiah tla theih mi cu peng 190 tluk a kaumi tipi thuanthum tlang, coral reef ih thuam aw mi a si. Hi tipi tlang mawi zoh dingin kum tin tourist 300,000 lenglo lengtu a nei ringring.

Belize Barrier Reef

5. Eye of the Sahara, Mauritania, Sahara Desert

Eye of the Sahara cu Sahara nelrawn, Mauritania ih um a siih mit vekin a thuahthuah in nelrawn ah a um mi a si. Tipi thuanthum rak cang ruangah maw leilung hnin ruangah (erosion) rak cangmi a si ding an zum.

Eye of the Sahara

 

Na ruahnak