Machu Picchu – Peru

Home » Hmun Le Hma » Leitlun Hmun Ropi » Machu Picchu – Peru

By vcth on September 11, 2012.

Machu Picchu cu Peru ram ih um a si. Tipi thuanthum in pi 7,970 tluk a sannak hmun ih um a si ih Urabamba horkuam tlun tlangzim ah um.

Machu Picchu cu 1450 vuakvel ah Inca lal Pachacutec Inca Yupanqui in Lal umnak hmun (Innpi) tiah a rak sak. Machu Picchu ah minung 1200 tluk an rak um tiah tiah thuanthu thiam pawl in an ti. Machu Picchu cu lungto cangdawl a si ih tilung lawnglawng an hmang. Urabamba horkuam ih tiva ta lung pawl phurso in dawl a si. Hlawn Dawh Thang ih Laikua tilung L. Zamual khua tlun tlang parih cang a dawl bang in.

Peru cu Spain kut tang ah kum reipi an rak um nan Spain cozah in Machu Picchu a um ti an thei dah lo. Urabamba kiangkap ih um mi hrekkhat lawng in an thei. 1911 ah Yale Phunsang Tlawng saya, American thuanthu thiam, Hiram Bingham in Machu Picchu in a mawinak, a ropit zia a hmu suat ih leitlun ah a than.

1911 hnu in Machu Picchu cu leitlun mi ih mak an ti mi, hmunmak pakhat ah a cang. 2007 ah leitlun hmunmak bik pasarih an hril in Machu Picchu tla a tel ve.

Leitlun Mangbangza

Leitlun Mangbangza

Leitlun Mangbangza

Leitlun Mangbangza

Leitlun Mangbangza

Leitlun Mangbangza

Na ruahnak