Magazine vs Nunthuleng ih Debate

Home » Cahram » Magazine vs Nunthuleng ih Debate

By vcth on February 25, 2011.

B.A (Thang), Salai

Nikhat ah Magazine leh Nunthuleng in zo si ṭhathnemnak mipi hrangah a suahpi sawn timi parah debate (Thu-el-aw) an tuah.

Nunthuleng in “a thoknak ah challenge ka lo tuah. Na magazine ih ṭhathnemnak pawl sim aw.”

Magazine cu ningzak nawn in “nangmah ih thazang pawl a si mi hardcover leh paperback hi ka lo zuam thei lo ee. Kei cu cahnah pawl suah memen lawng ka si ko ee. Khah, na hnak in ka ṭhathnem timi na thei zo ko lo maw?” tin Nunthuleng in a  ti.

Cutin, Nunthuleng cu tlung dingin a tho ciah ah….. Magazine in mitthli te thawn “Melte um ta!” tin a kham.

Cu hnuah “Ka hnak in na cak sawn ti a si thei ko. Asinan ca suahnak lam ah zo in a suah thei sawn, keimah ka silo sawm. Kei hi zarhtin, silole thla tin, silole kumkhat ahcun a mel bik voi (2) ka suah thei. Nangmah hrang cu a melbik thla (6) ihsin kumkhat caan na lak ṭul. A caancaan le kha hnak in caan na lak ṭul lai. Cuhlei-ah, na ngan ding mi nunthuleng hrangah na ruat ṭul nasa lai, ”

Nunthuleng in “Ka hnakin voi tam sawn na suah thei ko. Asinan, ka cabu pawl hi minung pawl ih nunnak, adventures, calai leh fimthiamnak pawl ka langter thei. Ka ngan thei. Himi pawl hi magazine ah a um lo. Magazine cu cahmai tla a mal. Thehle, a ṭul lo mi cahmai pawl le a tam tuk fawn.”

“ Na hmel hman si hlah, magazine hi ‘fimthiamnak amal’ tin na sim ngam. National Geographic pawl, Psychology Today pawl hi zoh hnik aw. Himi pawl hi adventurous leh fimthiamnak magazine pawl a si kha.”

An titi a nuam sinsin, an ka a thaw vivo thlang.

“Himi pawl hi ‘phiang kum voikhat’ thu na si men. Zoh aw! Playboy, Cosmopolitan pawl, tabloids (Thuthangca vekih ca tlap malte thawn suahmi an si).. hmm sim ding a tam tuk ee. Nunthuleng hi cu casiar tu pawl ih a ṭul sam mi calai vitamin pek thei ringring tu a si. Nang thawn cu kan linglet ko ee.”

Nunthuleng in cutin a ti veten, Magazine cu a tonak hmun in a tho ih..

“Na ṭong luar kai tuk. Nangmah khal zianghman ruahnak pek thei lo mi duhdawtnak nunthuleng aa-aa pawl na nei ve, na suah ve timi hngilh hlah aw. Na ṭong mi hi hansawng titerawk (the most hypocritical statement) rori a si. Thehle, tabloids (Thuthangca vekih ca tlap malte thawn suahmi a si) pawl hi Makazin a si lo sokhaw.”

Nunthuleng in leh salnak a tuah hlan ah minute pakhat hrawng daiten a to. Cuhnuah “Kan thurel hi melte remnak kan lak ding ih, kan cawl ta le a ṭha ding ka ti ee”

“Ka lungkim”

An cahmai pawl an phit ih-

Nunthleng in “Ka lo sim duh mi pakhat cu- na cahmai pawl hi tu lai leilungtlun thuthang pawl a ṭhabik in suah thei ding in zuam aw. Asinan, nang hi lo zuam hrim mi a silo. Ahleice in thuanthu ah hminthang mi pawl ih thu, philosopher pawl ih thu, scientist pawl ih thu pawl langternak ah ka hrangah zuam na silo.”

“Ka lungkim ko, ka saduh thah mi cu- Magazine cover leh thuanthu tawi,cahram tawi pawl in minung pawl ka hip thei mi hi magazine ih ṭhathnemnak pakhat a si pei cu…” tiah Magazien in a sim sal.

Nunthuleng in “Ka lungawi, pakhat te ka lo sim duh. Rang zet in na suah thei tuk mi hi ka lo iksik zet ee… hehe”

Tu ahcun, Magazine leh Nunthuleng hi pakhat leh pakhat theithiamnak an ngah zo.

Mah le thuruatnak te thawn an um lai fang ah…

Nunthuleng in “hei Magazine, kan pahnih kan bangawk lo mi pawl a um phah ko nan, leilungtlun leh minung pawl thin nuam dingah a bangawk lo mi lamzin pawl in a bawm rero tu kan si.”

“Ee, pakhat, Radio hi teh ziang tin na hmu?” tin Nunthuleng in a sut.

“Ning um zet ee. Thehle, grammer tla ṭhaten a thiam lo hmang ee” tin Magazine in capoh in a sawn.

An hni phah in an tlung.

(The Novel vs. The Magazine – A Debate by Jessica Mueller)

Na ruahnak