Malaysia ah Bus accidnet ruangah mi 8 thi

Home » Thuthang » Malaysia » Malaysia ah Bus accidnet ruangah mi 8 thi

By vcth on October 24, 2017.

Malaysia ram, Penang, Seberang Perai, Juru ah cetzung hnatuan pawl phurtu bus pahnih an pah-awnak in minung 8 an thi ih mi 33 hliamhma an tuar tiah theih a si.

October zinglam nazi 5:30 ah Juru, North South Expressway, zinpi parah cetzung hnatuantu phur bus 2 an pah aw. A hmun ah mi 8 an thi. Mi 23 cu an khawngdeng awnak hliamhma a roh ih mi 10 cu cutluk a roh lo tiah theih a si.

Hliam tuar pawl cu Seberang Jaya Hospital ah an kuat. Mi 2 cu an khawngdeng awnak hmiam a roh zet ruangah Penang Hospital ah kuat an si.

Cetzung hnatuantu pawl hi Nepal mi le Indonesia mi an si. Bus cangsualnak ih a telmi an zaten minung 43 an si. A thimi minung 8 ah 7 cu Indonesia mi an si. A thimi le hliamhma tuartu an zaten nunau hlir an si.

Source: NST

Na ruahnak