Malaysia ah Chin pa tiva ah tlak, a ruak hmu hrih lo

Home » Thuthang » Malaysia » Malaysia ah Chin pa tiva ah tlak, a ruak hmu hrih lo

By vcth on November 20, 2017.

Malaysia ram, Kelantan, Gua Musang ah Chinpa, Salai Tam Naing cu tiva ah a tlaknak ni 2 a si thlang nan tutiang a ruak an hmu hrih lo.

Tam Naing a tlaknak tiva

Tam Naing le a rualpa cu November 18 zaanlam ah an hnatuannak in Cycle phur aw phah in an tlung. An tlunlam ah tiva parih lilawn an zawh lai ah khat lam ih Lorry a ra. Cui lorry an kiannak ah Tam Naing tiva ah a tlak. November 20 tiangah a hmu hrih lo ih ruangah a thi si ko ding tiah an zum.

Tam Naing cu Chin ramkulh, Kanpalet peng, Khido khawmi a si. Malaysia, Kelantan, Gua Musang peng ih ra-bar hmuan ih hnatuan a si. Nupi le thla 4 mi fa pakhat nei a si.

Vorhlam zuk – Tam Naing, Kehlam zuk – Tam Naing ih nupi le fate

Tam Naing le a nupi cu UNHCR card neilo mi an si. Curuangah hi thu hi palik hnen ah tla an sim than ngam lo. Hi thu palik hnen ah an sim than a si ahcun a nupi tla kai in thawng tlak thei dinhmun a si raungah daiten an umnak a si.

Source: The Chin Express

Na ruahnak