Malaysia ah Chinpa nasa zetin thawi a tuar

Home » Thuthang » Malaysia » Malaysia ah Chinpa nasa zetin thawi a tuar

By vcth on December 14, 2017.

Malaysia ah December 12 zaan ah Chinpa pakhat nasa zetin thawi a tuarmi Video cu Vapual Aan in a Facebook ah a post.

Facebook hmangtu Vapual Aan cun Laipa zuu a ri tuak ruangah thawi a tuar tiah a ti.

Asinan thuhla theitu hrekkhat ih sim daan ah a rualpi hrekkhat cu zuu ri in a buai an au kio. Malay tlangval pawl in an buaipi tikah an tlan hlo thluh. Tu ih thawi tuarpa cu ziang sualnak ka tuahlo tiin a tlan lo ih amah riangri nasa zetin thawi a tuar ti a si.

Darhlei Cuai Cung timi in, “kan innkiang ah au thawn a ring tukih kan it thei lo ih kan va feh. Hi Chnpa cu nasa zetin thawi a tuar. A rualpi pawl cu an tlan hlo thluh. A thawitu Malay pawl hnen ah ngaithiam kan dil sak ih cutin inn ah kan thlah. Culak-ah mai rualpi thawi tuar bawm lo in Video a rak zuk ih facebook ih a post tu Chinpa an rak um bet cu a poi tak si,” tiah a ti.

Na ruahnak