Malaysia thawnginn in Myanmar ram kuatmi Chinpa a hlo

Home » Thuthang » Chin News » Malaysia thawnginn in Myanmar ram kuatmi Chinpa a hlo

By vcth on November 20, 2017.

Malaysia ih thawngtlak mi Salai Jonah cu November 15 sun ah Malaysia in Myanmar ram ah kuat a sinan Yangon Airport ah a hmuaktu pawl nih an tong lo ih hlei ah tutiang an hmu hrih lo tiah theih a si.

Salai Jonah cu a hnatuannak ah kaih a tuar ih thawng a tlak. November 15 ah Malaysia in Air Asia thawn Myanmar ram ah kuat a si. Paletwa Nunphung Pawlkom, Yangon in Airport ah an va hmuak. Asinan an tong lo.

Salai Jonah cu Paletwa peng, Kha Wai khawmi U Ka Taw ih fapa a si. November 20 tiang Salai Jonah ih a thu le hla zianghman theih a silo ruangah a nulepa cu an thin a bang ngaingai.

Salai Jonah ih thu theitu, a tongtu nan um pang a sile U Htun Myaing (Kha Wai khua) 09 490 03191, Salai Peter Luai Lu (Yangon) 09796877129 hnen ah thuhla theihter theih a si.

 

Na ruahnak