Mi hminthang Canganthiampawl ih Awkam

Home » Cahram » Theihkauhnak » Mi hminthang Canganthiampawl ih Awkam

By vcth on May 22, 2016.

Santhar nonawn calai duhdawtu, rualpi le unau hrangah ti’n cangandan thawn pehparaw in mi hminthang Calai Milai pawl ih awkam hminsin sunte, ka lo hlawm ve. Rak ei ve aw!

Mifim bangin ngiahtuah awla, mizaran bangin nganaw. Aristotle (384-322 B.C)

Casiartu si na duh le siarhluahhlo mai; cangantu si na duh le ngan hluahhlo mai. Epictetus (AD. 60)

Mi in zing tin pelh lo ten, cabuai hmai-ah to tahratin ca an ngan ringring ruangah male canganthiam an sitheinak. Hiti vekih zuam ve lo cun, zirlai dinhmun fangah an tapta ringring. Gerald Brenen(1894-87)
Cangan hi cankim (full-time) hnatuan phunkhat a si ve. Hlawhman nei cangantu cun a hiar can (hiarnak a neih) lawngih ngan ding a si hrimhrim lo. Somerest Maugham(1874-1965)

Khah! Na mit vun mengaw la, na kiangkap-boruak kha thlingthla in zoh thiam ringring tumaw. William Burroughs (1914-97)

Cangantu ih thlun ding zindan pakhat cu a nganmi thu le hla in, amah cangantu hnenih a sim duhmi kha, dai ziarzi ten ngaithat le thlun hi a si. Racheal Carson (1907-64)

Cangan hin zuksuai le awnmawi vekin a thim le a vang, a niam le a sang ti’n thlun ding zindan a nei ve. Cucu na suahpi thluak thawn na theithiam asi ahcun a tha. Cuti asilole, theihthiam zuamaw la nangmai ta rori ah canteraw. Truman Capote (1924-84)

Ziangtin ka thlun ding ti thei ta loin “dan” pahbal mai hi mifimpawl ih thiltidan a si lo. T.S. Eliot (1888-1965)

Misenpi hrangah siloin nangmai hrangah ngan hmaisa awla, cuisin nangmai hrang tel loin misenpi hrangah nganaw. Cyril Connolly (1903-74)

Tongfang nganmawi cu insak vek asi, catluan zaten ngiltluang zet dingin remthat ringring a tul. Anatole France (1844-1924)

Thluntlak ruahnak pakhat cu na kut le cafung kha rang le cak zetin hman mai ding tihi a si. Lungsung irhsuah zaten ngankhum zutzo mai ding. Bernard Malamud (1914-86)

Rang zet le zalen takin ngan vutvo mai. Na theh lai hlanlo, ceksal in ramsal rero duh hlah. Cangan lai ih an cawlhlawk theu ruangah hokhaw, ngan theh ti an neih dah lonak. John Steinbeck (1906-68)

Kawmkhawmtu,
Salai Ayete (Vankau)

Na ruahnak