Mipi a Hip Vivo mi Pinterest Thu Mallai

Home » V-Tech » Mipi a Hip Vivo mi Pinterest Thu Mallai

By vcth on August 14, 2013.

Tulai Social Media pawl lakah mipi a hip ih hmangtu a tam vivo mi Pinterest thu mallai sim ka duh. Pinterest cu zuk lam thawn a pehpar aw mi Social Media a siih Visual Media tiin tla an ko.

Social Media pawl hi danglam ciar in thilti theinak le mahle thupit hleicenak an nei cio. Ṭhimnak ah Facebook sile relationship base Social Network, Twitter sile Micro blog (tawi famkim rang), Google Plus sile passion base, Youtune sile Social Motion tin ṭhathnem hleicenak an nei cio ih Pinterest ih ṭhathnem hleicenak cu Visual Media ti a si.

Pinterest cu March 2010 in thok a siih tuah a hmangtu 70 million hrawng an um ding ti zum a um. Pinterest a hmangtu lakah 85% cu numi an si.

Pinterest cu Flikr le Picasa vekin zuk pawl khawlnak a silo. Pinterest ahcun na zuk pawl upload a ngah hlei an web page dangdang ta na duhmi zuk pawl tla na share thei. Cun pinterest hmangtu dang ih zuk tla repin na tuah sal thei.

Pinterest cu zuklam a si vekin design lam, ti le rawl lam le fashion lam thil pawl an tar tam, curuangah si ding numi a hmangtu an tam. Zuk dangdang mah paih zawng zuk pawl tla cu tar a si ko.

2012 hnu in Pinterest cu bulpak lawngin siloin company pawl tla in an thil suah, ser mi pawl mipi hmuternak ah an hmang. Cutin Pinterest cu Business lam hrangih a thupi mi Social Media pakhat ah a ra cang.

pinterest

Na ruahnak