Na Duhthusam Na Ngah Ṭheh A Si Le

Home » Cahram » Na Duhthusam Na Ngah Ṭheh A Si Le

By vcth on September 13, 2012.

Voikhat ah a duhham zet mi siangpahrang pakhat a um. A inntang leihnuai khan sungah sui lawnglawng a khat. A sun a zaan in a innhnuai khan ah a sui pawl siar le zoh in a caan a cem.

Voikhat cu rin lo pin Vancung fala pakhat a hmai ah a rung phuang lang aw. Na duhmi i dil aw, a takah ka cang ter ṭheh ding tiah a ti. Siangpahrang pa cu a lungawi ngaingai. Keimah hnak ih mi vanṭha leitlun ah an um nawn lo ding tiah a ti aw rero. Siangpahrang pa cun “ka tham mi hmuahhmuah sui ah seh” tiah a dil.

A thaizing a tho in a ihkhun sui ah a cang. A lungawi nasa. A puan a hlip ih a puan sui ah a cang. A siahhlawh pawl in ei in ding an pe. Apple a ei zik. A ei man hlan ah sui ah a cang. Ca a siar tum. Cauk a kai veten sui ah a cang lala.

Cutin rilrawng le tihal in a ṭap, a ai a hram. A fanu duh in ‘ka pa ziang na cang’ a tiih a pom. Rinlopin a fanu sui ah a cang. Cutin siangpahrang pa tla rilrawng, tihal le a fanu zuun ngai in a thi ta pan lo maw.

Ngah na duhmi thil, na hrangah a ṭhabik mi an si ṭheh lo men thei.

Francis Cung Bik

Na ruahnak