Nang Na Sisehla,… Ziangtin…..?

Home » Cahram » Nang Na Sisehla,… Ziangtin…..?

By vcth on November 5, 2015.

van-gogh-shoes-mid

B.A (Thang), Salai

(1)

Kei hi Ralkap thlingthlatu, rampihuap ih thlingthlatu pawlkom tivekah hnattuan sehla ka paih zawng a si tin keimah le keimah ka ruat aw theu. Ka ca siar mi pawl tla cu vek thu thawn a pehpar aw mi thu pawl ka siar tam sawn.

Voikhatih ka rak siar dah mi cabu sung ta thu pakhat ka ruat sal.

Cui thu cu…

Voikhatah minung paruk thlingthlatu ttuan dingin zung pakhatah hnatuan an suat. Interview tuah dingin cu an pok cio. Zung milengkhan ah interview ding an hngak rero laiah mi pakhat a ra ih ca-ik te a pek ciar ih dot 4 nak ah interview dingin an lo hngak a ti. Cui interview tu ding kha nan tong tikah nan ca-ik te nan pek ding ati. An mah le ca-ik ciar te cu an kut sungah ti fekfi ten hum in dot 4 nak lam an pan.

Cu sungah pakhat pa cu midang pawl theih loin, lamzinah a ca-ik kha ong tahratin a sung ta ca kha a rak siar.

Ca-ik sungih a rak um mi ca cu “Nang hi kan duh zawng thawn a kim mi na si. Hrilmi na si zo, a dot 2 nak ah va feh aw” ti a si.

Ka ruat mi cu.. himi ca-ik a rak siar mi pa hi a dik maw? A sual maw? timi si.

“ A hmaan” tin kan ruat thei vekin, “Hmaan lo” tin tla sim theih mi dinhmun a si.

Thlingthlatu cu thlingthlatu vekin a ttuan ding, ruat ding siih “a hmaan” tin kan sim thei.

Cuvekin kan hnattuannak le kan boss le pawl par hmanah rintlak kan si ual lo tin “ A hmaan lo” tin tla kan ruat thei ve.

Ka rual, nangteh khumi “A DIK/AHMAAN” sawn ding tin na ruat..?

===================================

(2)

Hnattuan hawl rero tu pakhat pa kha nikhat ah hnatuan interview ah a rak zum lo mi thu sut a tong.

“Na motor kha parking ah na cawl ding ih, thinrang zetin na motor sangka na ong ngah. Cutin na ong tikah na motor kiang ih a cawl mi motor kha na va khong ngah. Cumiruangah khatlam motor ah hriatnak rinte a va lang….. Ziang tin na tuah pei?”

Thusut tong mi pa in .. khatlam motor neitu ra tiang ka hngak dingih, zangfah ka dil ding, a cem mi hmuah tla a lungkim taing ka kuan ding tin.. a ttha zawng lawng a rak sim.

Asinan cumi pa cu hnattuan a rak ngah lo.

A ngah lonak san an pek mi cu.. “Na sim mi pawl a cang thei lo” ti a si.

A ttha le ttha lo timi a khuah aw mi leithlun pi ah hi tivek in a famkim tukmi thulehnak cu..a si ngaingai pe maw? A mah teh mi dik mi tluangtlam ngingai a si pei maw? ti rinhlehnak thawn ruat ding a um an ti.

Sile, ziangtin kan tuah pei????

Na ruahnak