Nangmah

Home » Cahram » Nangmah

By vcth on August 21, 2013.

Johnlsl

Zingkhat ah Carl Coleman cu hnaṭuan a feh phah zin ah a mawṭaw midang nih an rak ṭaik.

An pahnih ten an cawl veve, pakhat deuh mawṭaw mawngtu cu nunau a si, a mawṭaw ziang a cang, a siat tuk maw ti thinphang in a ṭum lohli ih a zoh.

A lung a vaivuan ṭheh, amah mawh sawn le si, a mawṭaw le a thar te si fawn, a pasal nih a lei saknak nihnih lawng a si lai, showroom ih ta a thar te a si. ‘Ka pasal ziangti mithmai in ka sim ding’, ti a ruah ah a thin a phang hluahhlo, a ṭih nasa.

Coleman cun a zoh ih a thin nuam lo ngaingai, a zangfah zet, sinan daan vekih tuah dingmi pawl cu tuah lo a ngah fawn lo. A mawṭaw thawn pehpar mi catlap pawl cu a dil.

Nunau nu cun cu’i catlap pawl lak dingin a mawṭaw sungih thilretnak kuang cu a ong. Catlap pawl retnak file cu a kau, a hmaisabik ah a pasal ih kut thawn nganmi ca tawite a hmu.

Rinlopin khawnawknak na ton pang a si le thei ringring aw, Nangmah sokhaw ka lo duh, mawṭaw a si lo”.

Paul Harvey ih Don’t forget what really matters

Nangmah

Na ruahnak