Neymar PSG a feh ngaingai ding maw?

Home » Lehpannak » Neymar PSG a feh ngaingai ding maw?

By vcth on August 3, 2017.

Leitlun bawhlung lektu man khung bik le hlawhman tam bik in PSG (Paris St-Germain) cun Brazil le Barcelona hmainor Neymar cu lei an tum.

Neymar cu zarhkhat a hlawhman ah £775,477 ($1,025,103) ngah ding a si. Barcelona in PSG ih tthawn awnak man cu £198 ($261) a si ding.

PSG cu 2011 ah Qatar milian pawl in an lei. Qatar milian pawl in an lei hnu ah Franch League ahcun pakhatnak an ngah ringring nan Champions League ah ziang cuca an si thei lo. Curuangah Champions League pakhatnak ngah thei ding ahcun Qatar milian pawl cun sumpai ziangzat cem tla poi an ti lo.

Neymar cu kum khat ah a hlawhman (tax pek hrih lo in) £40.3 ($53) million a si ding. Tu Barcelona ahcun kum khat ih a hlawhman hi $10 million tluk a si. PSG ah a tthawn a si le a hlawhman let 5 leng a kai ding.

Tulaifang leitlun ih bawhlung lektu hlawhman tambik cu Carlos Tevez a si. Tevez cu Tuluk club Shanghai Shenhua in zarhkhat hlawhman $728,000 an pek, kum khat ahcun $41 million a si.

Na ruahnak