Nitin Manna: Ṭong hi a Thupi Maw?

Home » Nitin Manna » Nitin Manna: Ṭong hi a Thupi Maw?

By vcth on May 3, 2017.

NITIN MANNA

May 3
Tlawngkai Nithum

Ṭong hi a Thupi Maw?

Biaknaklam ah ka taima a si a titu nan um maw?
Nan hmurkaa nan uk thei lo ahcun
nan zumnak parih nan taimaknak cu
santlai lo a si ih nanmah le nanmah a bum awtu nan si.
– Jeim 1:26 [Thufim 15:1-7]

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Christian innsungsang pakhat ih tleirawl pakhat in, “Ka nu cun kawk le camsiat hi ttong ttha lo ti’n a ruat lo,” a ti. Ttong mawi lo ti ih ruahmi lak ihsin a nu ih a cohlanmi ttong pawl a rel tikah mi tampi in zumtu ih ttong dingah a mawirem lo an timi ttongkam tampi a um hrih.

Kan dung kum rei lote ihsin miseenpi ih ttong lam dinhmun hi a ttumsuk nain cumi lakah kannih zumtu pawl khal ttong lam ih ttumsuk ve ding cu a ttul lo. Kan nun ziaza ralring in, kan ttongkam in ziangti’n Pathian kan sunloih thei ding, timi ruat sawn ding kan si (Efesa 5:15).

Fiang te’n theihthiamnak kan langter ahcun kan ttongkam in Pathian lung kan awiter thei a si. “Mifim na si ahcun na ṭong suup aw” (Thufim 10:19); “A lei le a kaa a kil theitu cu harnak in a luat ding” (Thufim 21:23).

Thu harsazet pawl kan rel hmanah zaangfahnak ṭongkam le a ṭhalam zawng ih ttong ding hi a thupizet. “Thulehnak awkam neem in thinhennak a daiter, asinan ttong hraang in thinhennak a suahter sin” (Thufim 15:1-2).

Pathian ih faate kan si vekin ttong ttha lo cu hrial ding a si. Paul in, “Nan biak awk tikah ttongkam hraang hmang hlah uh (Efesa 4:29),” tiih nun in simmi in ttongkam dik hmannak ding tahfung in pek.

Kan nunnak a kilkip in Pathian ṭihzah upatnak pe dingah Pathian lungawitertu le cohlang tlakmi ttong hmang aw. – Dave Branon

Ṭong cu thluasuah pakhat a si thei,
Camsiatnak pakhat khal a si thei;
Sim hnik! Ka rual, ziangvek ṭong so na hman!
ṭhat sinnak maw siat sinnak hrangah?

Kan ttongmi in zo kan si ti a langfiangter.

Na ruahnak