Nitin Manna: A Zate’n Pek

Home » Nitin Manna » Nitin Manna: A Zate’n Pek

By vcth on April 27, 2017.

NITIN MANNA

April 26
Tlawngkai Nithum

A Zate’n Pek

Cuti a si ruangah ka u le ka nau tla a tamzetmi
Pathian ih in zaangfahnak ruang ahhin
nan ruangpumpi cu a thiangmi le cohlan tlak
raithawinak bangtuk in pe uh, tiah ka lo dil.
Cumi cu Pathian hnenih nan pek dingmi
biaknak taktak a si.
– Rom 12:1 [Rom 12:1-8]

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

US president John F. Kennedy in hnatuan a luh pek mipi hnenih a thusimmi sungah: “Rampi in ziangmi a lo tuah sak thei timi dil hlah uh; ka ram hrangah ziangmi ka tuah sak thei ding timi sawn dil uh,” ti’n a sawmngiar. Cumi cu rammi pawl in an nunnak cu pakhat le pakhat ziangti’n kan rian awton ding ti tharthawhnak ah an hmang. A ttongkam in ahleice in ralpi sungih ram hrang pumpetu nu le pa pawl ih an fanu fapa pawl nunnak a ciahneh cuang.

A sim duhsan cu a fiangzet: an nu le an pa pawl ih an rak leimi, anmai’ nunnak liam rori ih a man an rak pekmi, atu ahcun remdainak um dingin an fale pawl in an kilhim a ttul. Pumpe ih ralkap luttu pawl in cuih kawhnak aw cu thulehnak tuah dingin an tho, ih kum hrabu tluan ah a man tah thei lomi milai nunnak thansotertu hnatuannak pawl Leitlun hmuntin ah nasatak in an tuan suak.

Kum zabu tuanlai (early century) ah, Paul in Christian pawl hnenah cumi thawn a bang awmi sawmngiarnak a rak nei (Rom 12:1). Zumtu pawl in kan ruangpumpi cu “A nungmi raithawinak” vekih ap in kan sual man leiba kuannak hrangih nunnak a liamtu Pa rian dingin in forhfial. Hih thlaraulam raithawinak cu awkam men si loin kan taksa, kan thinlung le kan thlarau nun rori liam in midang hrangah nung ding in sawm.

A tthabik cu, kan umnak hmuntin ah Bawipai’ hrangah pumpe ih lungtho tein hnatuan ding hi a si.

Jesuh hnenah
a lo tuak sak theimi lawng dil hlah;
A hrangih
na tuah sak thei dingmi dil aw.
– Randy Kilgore

Na ruahnak