Nitin Manna: Hmuihmel Thar

Home » Nitin Manna » Nitin Manna: Hmuihmel Thar

By vcth on April 30, 2017.

NITIN MANNA

April 30
Zarhpi Ni

Hmuihmel Thar

Cule nun thar ziaza nan hruk aw zo ih
cuih nun thar cu a sersiamtu Pathian in
Amah ih hmuihmel keng sinsin vingvo dingin
cat loin a tharter ringring.
Cutiih a tharternak cu
Amah famkimzet ih
nan theih suaknak ding hrangah a si.
– Kolose 3:10 [Kolose 3:1-11]

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Media a famkimmi atu kan san ah zuklam ih mithiam thuron pawl cu lo theih loin an thupi thlang. Mi thin nuamtertu pawl, lek thiam pawl, naingnganzi tama pawl, le hnatuannak hruaitu pawl cu leilungpi ih mit hmuh ah an thil tawlrel daan mai’ duhduh ih cangvai tla an bang. Hih mankhungzet ih hlangmi thuron pawl cun minung pawl ih hmuh daan ah zoh mawi dingin an tuah thei ih a caancaan ah an milai pawl ih sunglam nun diktak le mipi ih hmuh daan an danglamter thei.

A ngaingai ahcun, minung ih kan ttulmi cu lenglam tuah tthatmi si loin sunglam nun thlengh awknak sawn a si. Kan nun a thuknakbik ih natnak cu man ol teih rem theih a si lo. Cumi pawl cu kan thinlung le kan ruahnak sungih ummi pawl thawn direct in an pehtlai aw ih, Pathian ih sersiammi thawn ziangtluk in a hlat aw timi an langter. Asinan cuvek thlengh awknak cu milai ti theimi leng ah a si.

Khrih lawng in thlengh awknak taktak cu in pe thei – a lenglam ih a langmi remter menmi si loin sunglam nun thlengh awknak cu! Paul in Khrih sungih kumkhua nunnak: “Nun thar nan hruk aw zo ih cuih nun thar cu a sersiamtu Pathian in Amai’ hmuihmel keng sinsin vingvo dingin cat loin a tharter ringring,” a ti (Kolose 3:10).

Nunnak thar! Ziangtluk in ruahsannak thawn a khatmi ttongkam so a si! Khrih in Amai’ sungah mi thar ah in thlengh zo – a lenglam zoh mawinak men si loin thinlung thar a neimi minung ah in canter.

Thlarau Thianghlim in
kan sunglam nun ah
Jesuh Khrih ih hmuihmel
fiangzet in a cuangter.
– Bill Crowd

Na ruahnak