Nitin Manna: Lawng Pakhat Sungah

Home » Nitin Manna » Nitin Manna: Lawng Pakhat Sungah

By vcth on April 28, 2017.

NITIN MANNA

April 28
Tlawngkai Ninga

Lawng Pakhat Sungah

Na thukham pawl cu
kumkhua in ka taa an si;
Ka thinlung nuamtertu an si.
– Matt. 8:23 [Matt. 8:23-27]

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Minung phurtu tinbaw (ship) pakhat cu tinbaw colhnak ih a cawl tikah, a cuangtu khualtlawng pawl cu a zamrang theibik in an ttum ciamco. An khualtlawnnak ni netalam ah tinbaw parah nathrik (virus) an tuar ih mi zakhat lai cu an dam lo. Thu an suhmi passenger pakhat in hiti’n a sim: “A ttha, tampi ka phunciar duhmi a si lo. Ka sim duhsan cu kan zate in Lawng pakhat sungah kan um tlang thluh.” Ruat cia le tihrim si loin ttongfang danglam deuh a hmanmi in report petu a hnihter.

Matthai 8 sungah, tili sungih khualtlawn thu kan siar thei (cc. 23-27). Jesuh cu Lawng sungah a lut ih a dungthluntu pawl in Amah cu an thlun ve (c. 23). Cun thli sia nasatak in a hraang ciamco ih dungthluntu pawl cu an thin a phang ngaingai. Jesuh cu a itthat rerolai ahcun an tthang ih kan thi thluh ding, ti’n an sim.

Jesuh cu a dungthluntu pawl thawn Lawng pakhat sungah a tel na’n nikhua umtu daan (weather) thuhla ah zianghman a buai lo. Huham le thiltitheinak ih khat Sersiamtu a si bangin thli-sia hraangmi cu a ṭih ve lo. “Cule Jesuh cu a tho ih thli le tilet cu dai dingin thu a pek; hmakhat te ah tili cu dai te’n a um saal” (c. 26).

Asinan kannih cu huham thawn a khatmi kan si ve lo, ih ttihnak nei thei mi kan si. Curuangah kan nunnak sungah thli-sia tilet a hraan tikah ziangso kan tuah ding? Harsat buainak cu zamrangzet caan tawite sung asilole caan reipi a si ah himi parah thlangam te’n tthum aw ding kan si: Kannih cu thli sia le tifinriat tisuar hman ih a thu an ngaimi Bawipa thawn Lawng pakhat sungah ummi kan si.”

Pathian a naih sawntu
Christian nunnak ah
ttihnungza thlisia in a naih thei lo.
– Cindy Hess Kasper

Na ruahnak