Nitin Manna: Pathian hnenah Pan

Home » Nitin Manna » Nitin Manna: Pathian hnenah Pan

By vcth on April 30, 2017.

NITIN MANNA

April 29
Zarhte Ni

Pathian hnenah Pan

Cuti a si ruangah
Pathian bawi tokham cu
ralthazet in pan uhsi;
cutawk ah zaangfahnak a um.
Cutawk ah ngilneihnak kan co dingih
kan ttul tik caan ah
zaangfahnak kan ngah ding a si.
– Hebru 4:16 [1 John 5:6-15]

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Technology cu lam tampi in thluasuah phunkhat a si. Harhdamnak thuhla thawn pehpar aw in theih ttulmi na nei maw? Na tuah dingmi cu Internet na ong dingih na duhmi thuhla theih theinak hmun na hawl thei. Na rualpi pakhatkhat pehtlaih a ttul maw? Email asilole Facebook ihsin ca na kuat thei. Asinan technology in caan tampi ah thin hnaihnoknak in pe thei. Ni khat cu ka bank account zoh ka ttul ih online in ka on tikah thusuh thup (security question) pawl in sut. An thusuhmi cekci ka let thei lo tikah keimai’ Bank Account rori ihsin phih (block) ka tuar. A caancaan ah midang thawn telephone kan biak awk rerolai ah battery down ruangah biak aw thei nawn loin kan um ih electric thawn charging ding plug hmuh hlan lo biak awk a theih nawn lo.

Himi pawl an zate hin Pathian hnenah thlacamnak thawn pan ding ka tum tikah atak in ka duh caan ah ka pan theimi in ka lung in awiter. Ziangahtile thlacam ih Pathian hnen pannak ah security question tivek le battery tha cem tivek a um dah lo. Johan ih a simmi hi ka duhzet, “Kannih cu Pathian hmai ah ralthatnak kan nei, ziangahtile Amah ih duhnak thawn mil-aw in kan dil ahcun kan dilnak kha in theihsak ttheh a si, ti hi fiang te’n kan thei” (1 Johan 5:14).

Pathian cu ziangtik caan khal ah pan theih ringring a si, ziangahtile Anih cu a singh khal a singh dah lo ih a it khal a itthat dah fawn lo (Saam 121:4). Cule in duhdawtnak a tumzetmi parah Pathian hnenah lungawithu sim ringring ding kan si, ziangahtile Anih cun a fahniang zumtu pawl ih kan thlacamnak ngai dingin in hngak ringring.

Pathian cu kan ttul caan ah
pan theih ringring a si.
– Joe Stowell

Na ruahnak