Nitin Manna: Pathian Ttihzahnak

Home » Nitin Manna » Nitin Manna: Pathian Ttihzahnak

By vcth on April 26, 2017.

NITIN MANNA

April 25
Tlawngkai Nihnih

Pathian Ttihzahnak

“Curuangah, maw Israel mi pawl,
Bawipa nan Pathian ih a lo fialmi hi ttha tein ngai uh.
Bawipa cu ttihzah uhla
a thupekmi hmuahhmuah cu tuah uh.
Na thinlung zate in
Amah cu duhdaw uhla Amai’ hna cu ṭtuan uh.
A Daan cu kim tein thlun uh;
nanmai’ tthatnak ah tuihsuun ah ka lo pek a si.
– Daan. 10:12-13

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Tuih san kan nunphung ah mi pakhat kha Pathian ttihzah aw tiih ruahnak va pek cu hnihsuahsai le zaangfakza ih ruah tla a si thei men. San man lo ruahnak ih ret sak tla a si men thei. Bible sirhsan hmanah, Thukam Hlun sanlai ruah daan a si, Thukam Thar ah cuvek a ttul nawn lo, zaangfahnak caan a si, “Famkim duhdawtnak sungah ttihphannak a um lo,” tiih ruah sak a si thei (1 Johan 41:8).

Pathian ih in duhsakmi, Amah ttihzah ding, in timi cu in duhdawt ruangah a si ti kan thei. Hih thupek cu sanman lo tiih ruah sak ding a si lo ih Thukam Hlun san ih milai pawl hrang lawng ih ret ding khal a si fawn lo. Peter in, “Hih leitlun nan nun sung ahhin Amah ttihzahnak thawn Amai’ hrangah nung uh,” a ti (1 Peter 1:17). Curuangah Pathian ttihzah nun timi cu ziang tican a si pei?

Pathian ttihzah timi cu hih leitlun ah Amah lawng ruahsan, Amah lawng nun diriamtertu umsun le kan ṭulsammi ziangkim in pe theitu a si tiih ruahsan hi a si. A man pek ih leimi ka si ti thei in Amah duhdawt le A zaangfahnak sungah um ringring, hi a si (Rom 11:12). Jesuh cu kan hrangah a man a khung deuhdeuh asile hih khawvel hi kan ttih lo deuhdeuh dingih Pathian kan ttihzah deuh ding.

Pathian ṭihzahnak in kan kiangkap Satan ih siatsuahmi pawl parah Pathian mawhsiat lo dingin in kham. Kan lei (tongue) a kilkhawi, kan kutke in kilkhawi sak, ih mah le mah mi dingfel ih ruah awknak ihsin in kham. “Pathian ttihzah cu fimnak ih hramthoknak a si” (Thufim 9:10).

Duhdawtnak famkim neitu Bawipa,
Nangmah ttihzahnak ka neih deuhdeuh tikah
thil dang ka ttih lo deuhdeuh.
– Nancy Guthrie

Na ruahnak