Nitin Manna: Ruahsannak Nung

Home » Nitin Manna » Nitin Manna: Ruahsannak Nung

By vcth on April 25, 2017.

NITIN MANNA

April 24
Tlawngkai Nikhat

Ruahsannak Nung

Sui hnakin a sunglawi sawnmi nan zumnak cu
harsatnak a tuar suak theitu
si dingah hniksak a ttul ve a si.
Cule Jesuh Khrih a lang ni ah
thangthatnak, sunlawinak le
upatnak nan ngah ding a si.
– 1 Peter 1:7 [1 Peter 1:3-9]

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Awkam ih sim thei lomi ninghan riahsiatnak in minung nunnak a nuai tikah ziangruangah si pei? ti’n an ruat ṭheu. Tunaite ah nu pakhat a fahniang tleirawl teih thihsanmi in thu i sut, “Ka ruat thei lo. Ka zum thei hrimhrim lo. Ka zuam rero nain Pathian in i theihter lo. Ziangah si pei? Cumi vek thusuhnak pawl hrangah thulehnak olte a um lo. Asinan Khrih a rinsantu pawl hrang ahcun thluasuah kan don caan ah siseh, riahsiat ninghan kan ton caan ah siseh, ruahsannak a um!

Peter in a Cakuat hmaisa sungah hih thu a sim. “Khrih sungin rundamnak in pek, nunnak thar in neihter ih ruahsannak nung in neihtertu Pathian ka thangṭhat” (1 Peter 1:3). Cuih ruahsannak cun ninghan laifang khalah lungawinak a suahpi. Cuih ruahsannak cu a siat thei lo (c. 4). Harsatnak a phunphun nan tonmi ruangah caan tawite sung riahsia in um hman uhla lungawi in um thotho uh (c. 6). “Hih harsatnak nan tuar theimi in, Jesuh Khrih a lang ni ah thangthatnak, sunlawinak le upatnak nan ngah ding,” a ti (c. 7).

Hniksaknak kan tonmi pawl cu theih thei lo khop le rin lopi ih cangmi an bang ding nain a tlunlam ih Bible ttongfang tleunak in a fiangter. Ninghan riatsiat ton laitak ah rundamnak ih mawinak le huham in Rundamtu Khrih Jesuh thawngin a neh thei a si. Harsat buainak a tongtu in nikhat ni ahcun tleunak a hmu ding a si.

Bawipa, rundamnak maksak in pekmi cu kan tuarnat caan ih tuar theinak kan neihmi in Na sunlawinak ah a canter. Nitinte ruahsannak thar kan neih thei ringringnak dingah in bawm hram aw.

Rundamnak tleu cu
Zaan thimbik khal ah
fiang te’n a tleu.
– Dave Branon

Na ruahnak