Nitin Manna: Thuanthu Dunglam ih Cabu

Home » Nitin Manna » Nitin Manna: Thuanthu Dunglam ih Cabu

By vcth on April 27, 2017.

April 27
Tlawngkai Nili

NITIN MANNA

Thuanthu Dunglam ih Cabu

Na thukham pawl cu
kumkhua in ka taa an si;
Ka thinlung nuamtertu an si.
– Saam 119:111 [Saam 119:105-112]

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Leitlun milai million tampi in, “Gone with the Wind” zuknung (movie) an zoh. Cumi cu US ah December 15, 1939 ni ah an hmuh hmaisabik. Cuih zuknung cu academy (10) rori ngahtu a si ih Hollywood ah a nasabikmi film a si. Cumi cu Magaret Mitchell’s in 1936 kum ih a nganmi thuanthu (novel), thla (6) sungah cabu copy a million ih zuar khongmi, Pulitzet Prize ngahmi cabu, ttong (40) lenglo ih lehmi ca hminthang sirhsan ih zukmi a si. A nasazetmi movie pawl cu huham a neizetmi le caan reipi a daihmi cabu ttha sirhsan ih thuanthucawn (drama) zukmi an si ṭheu.

Christian zumnak ih hrampi cabu cu Holy Bible a si. Seemtirnak ihsin Thuphuan tiang hi kanmah minung tel in Pathian in Sersiammi pawl hrangih tumtahmi langtertu a si. Saam 119 in Pathian Thu ih huham le kan nunnak ih a ttul zia a tarlang. Bible cu kan lamzin tleunak petu (Saam 119:105), kan thlarau nu tthangharhtu (c. 107), le kan kekar kilkhawitu a si (c. 110). Ca Thianghlim sungah fimnak, khihhmuhnak, nunnak le lungawinak pawl kan hmu thei. Saam ngantu in, “Na thukham pawl cu kumkhua in ka taa an si; ka thinlung nuamtertu an si,” a ti (c. 111).

Kan Bawipa Jesuh in kan nunnak cu A Thu sungih hrambun dingah le nunnak a hawl rerotu pawl hnenah Amah theih ih lungawinak hlawmtu dingah in ko. “Na thupekmi pawl cu ka thih ni tiang thlun dingah ka ruat cat zo a si” (Saam 119:12). Ziangtluk ih tthami Cabu so a si! Ziangtluk ih a nasami Rundamtu so a si!

Bawipa, Na Thu cu ka ke hrangah mei-inn (lamp) a si ih ka lamzin hrangah tleunak a si. Na daan pawl cu ka hlawnthil le ka lungawinak an si. Ka nunnak cem tiang Na daan thlun dingin ka ruat cat zo.

Bible, Pathian ih kumkhua thutak cu
Tuni khal ah rinsan theih a si.
– David McCasland

Na ruahnak