Nov 11 ah Iron Cross concert a um ding

Home » Awnmawi » Nov 11 ah Iron Cross concert a um ding

By vcth on October 27, 2017.

Myanmar raock band hminthang Iron Cross cun November 11 zaan ah Yangon, Pyituh Yinpyin (People’s Park) ah concert ropi tak an nei ding.

Hi concert cu BIG 9 TV thawn tuah tlang mi a siih November 11 zaan ah BIG 9 TV a facebook ihsin LIVE an thlah ding.

Big 9 TV cun “Get Your Free Ticket” timi program an nei Ticket 3600 vanneitu pawl hnen ah a pek ding. Big 9 TV Facebook page like a tuah ih tuitum concert kha mahtime line ah a share ding, cun cui share mi cu screenshot tuah in an hnen ah November 1, zaan nazi 9:00 hlan ah kuat sal ding, cutiih na tuahnak in vannei mi ah hril na si ahcun Free Ticket na ngah ding.

November 2 sun ah ‘Free Ticket’ lucky draw tuah ding an siih Ticket a cotu vannei pawl cu November 3 ihsin Inbox ah Big 9 TV in an lo run kuat ding.

Iron Cross cu thaizaan, October 28 zaan ah Pyi khua ah Concert pi an nei ding tiah tla theih a si.

Social Media hrekkhat ah Iron Cross cu Kalay MTP 4G lawmnak ah Kalay, Tedim, Hakha pawl ah concert an nei ding timi thu cu a dik lo mi a si hmang. Iron Cross lam in siseh, MPT lam in siseh zianghman official thuthannak an nei lo.

Na ruahnak