Nunau thilri ih tuahlo dingmi pawl

Home » Cahram » Theihkauhnak » Nunau thilri ih tuahlo dingmi pawl

By vcth on May 8, 2017.

1. Douche hmang lo ding

Nunau hrekkhat cu douche timi tube phunkhat hmangin an thilri an kholh ttheu. Cucu thil ttha a si lo. Douche hmannak in zah-mawh cancer a suak ter thei. Cun zun thawhnak le sullam hrangah tla a ttha lo.

2. Bawngbite a tet tukmi hruk lo ding

Na bawngbite cu tet tuk lo in na um tlan a nuam tawk siseh. Bawngbite a tet tuk tikah taksa thlan ciar ti ruangah a thak, a seer ti vek a um ter thei. Bacteria in hi vek hi an duh zet.

3. Zihmui hmang lo ding

Zahmawh hi rim nei theimi a si. A rimnam pang ding ti phang in zihmui maw spray ti vek hmang ding a silo. Thaten na kholh mi kha atawk ko.

4. Hleiluan tukin kholh lo ding

Fai seh tiin a sunglam tiang satpia thawn kholh a ttul lo. Tikholh tikih a tlangpi thu ih kholh kha a tawk ko. Lole zahmawh kholhnak ih tuahmi pakhatkhat hmang in a lenglam ih kholh kha a tawk zo.

5. Gel siar lo a dang hmang lo ding

Nupa ittlang tikah a nalnak hrangah Gel hman a si ttheu. Gel a umlo tikah nal seh tiih thil dangdnag hmang lo ding.

Na ruahnak