Ol leh Har

Home » Cahram » Ol leh Har

By vcth on June 9, 2013.

B.A (Thang), Salai

Greek Philosopher Socrates ih tlawng hmaisabik a zirh ni ah a tlawngta pawl kha “ Tuni a ol bik mi le, a hnok lo mi zirhnak pakhat ka lo zirh ding. Cumi zirhnak cu tlawngta zate hridai dunglamin hmai lamah vor ding ti a si. Ziangtin vor ding ti tla a hmuh. “Tuni ihsin nitin voi (300) hitin nan tuah thei pei maw?” tin a sut tikah tlawngta pawl cu an hni ih, “hitluk ol mi vek men cu ziangah kan tuah thei lo ding” tin an au kio phah rero.

Thlakhat a rei hnuah Socrates in tlawngta pawl kha “nikhat ah voi 300 tuah thei mi pawl nan kut tung uh” tin a sut. Tlawngta 90% hrawng in lungawi ten kan tuah thei tin an kut an tung.Neta thlakhat a rei hnu ah a sut sal lala ih, tui tum cu kuttung tu 80% hrawng lawng an tang.

Kumkhat a rei hnuah Socrates in “ A ol bik mi hridai vor kha tlawngta paziat in nan tuah rero lai?” tin a sut. Cutikah tlawngkhan sung cu a dai ṭhepṭhep ih, tlawngta pakhat lawng kut a tung. Cui tlawngta cu nehhnu lamah a hmin thang zet mi “Plato” timi a si.

Himi zirhnak ah Socrates in a sim duh mi cu “ti fetfet ih tumtahnak neih, fumfetnak” timi a si. A ol bikmi leh a har bik mi thil a si. A ol bik mi ka tinak cu.. tuah duh le cu zo hmuahhmuah ih tuah thei mi a si. A har bik a sinak cu.. a takih tuah tikah fumfezet ih tuah theitu an mel ve.

Minung hi kan lungtho caanah thil tuah kan phur zet. Ahleice in laimi pawlkom le kiang le kap ah kan hmu tam nasa ding tin ka zum. A thok lamah kan rak phur zet nan, Socrates ih zirhnak vekin, rei vivo tikah kan lungthonak kha a hlo vivo.

Himi thuanthu hi keimah rori tla i sawh ngah ve. Chiang Mai ah Chin Community din kan rak thok ih hruaitu tla ka rak ṭuan. A thok lam cu phur zet le thatho zetin ka rak hruai nan, rei vivo tikah tampi ka rak tla sam. A caancaan le ka zangzel, a dang thu a phunphun thawn ka tlasamnak a tam zet. Atu Europe ram lam ka rak suak tikah tla, pakhatkhat cu tuah sak ta ding ka sinan, caan nei lole thuhla a phunphun ruangah ka rak tuah sak thei lo. Ka thin nuam lo zet.

Leithlun ram hruaitu pawl sungah tla a thok lam an tha nan, neta lamah felfai ten ṭuan lo ih mual pho tu tla an um. A nai bik thu kan sim le cu former Korea president le Taiwanese hruaitu pawl an si.

Pakhat cio kan nunnak le hna kan ṭuan mi pawl parah lungtho le thinsau ten kan tumtahnak Tumhmun tiang feh theitu sihram uh ti duh sak nawk thawn…………………

Ol le Har

Na ruahnak

One Response to Ol leh Har

  1. Pabawih   January 10, 2010 at 3:55 pm

    kei tla i sawh ngah ve! 😛 🙁