Open Source Cangvaihnak Thu Mallai

Home » Cahram » Theihkauhnak » Open Source Cangvaihnak Thu Mallai

By vcth on August 27, 2012.

Kum Zabi 21 ih a danglamnak le man a neihnak bik cu Technology hi a si. Hi technology thansonak ah Open Source cangvaihnak hi thil thupi pakhat a si ve.

Kum zabi 20 a cem lam, 1980 hnu, in leitlun technology fimthiamnak cu a thangso nasa. Asinan Program le software pawl cu duhduh, ol ih ngah theih a si lo. Company tumpi pi pawl in Copy right an lak ih cui program le software cu man khung zet ih zuar a si. Cutin company tum pawl in Software pawl cu programmer pawl hnen ah man khung zet in an lei ve.

Open Source Thuhla

Cui thil um daan a lungkim lo tu an rak um ve. Cupawl cu Computer Gigs tiah an ko. An hmuihmel zoh ah cu upat ding tla cu a um lem lo. Ih hmu khop lo mithmai, sam tla hriat cu ca lo, thur nawn, hnok nawn ih um pawl an si. An kum zoh le kum 20 hman kim hrih lo hrawng an si. Nan hi pawl cu computer sunvo zaanvar ih buaipi pawl an si. Tuktak, thiam lo ding thil pawl tla an sar suak, an thiam vivo.

Cui Computer Gigs pawl cun Software, program pawl man khung zet ih an zur le copy right daan fek zet ih an kai mi an duh lo. Cui software pawl cu an hack (fir) ih online ah an upload sal, mi zapi ih download thei ding in. A hrek khat tla cu an hack mi software kha midang software pawl thawn an cawkrawi theh ih Original hnak ih ṭha sawn ah an suah. Hih Gigs pawl ih cangvaihnak ruangah Software company tum pawl cu vava an tum, an zon zai.

A pahnihnak ah tuan ih kan sim mi ah kir sal thotho sehla, Company tum pawl in Copy right kha man khung zet in an lei ruangah software ṭukṭak pawl maw, bulpak programmer pawl ih ngan mi software pawl tla cu lei tu an nei cu ca lo. Curuangah bulpak programmer pawl in an ngan mi software pawl, game pawl, program pawl an computer ih ret lak men hnak in a lak in mi an pek ciam co. Cutin Open Source Software ti a lar vivo.

Computer Gigs pawl ruangah a hlei ce in ram farah ih um pawl cu kan vanṭha ah a cang. Thimnak ah Kawlram ah window pakhat 200$ in lei ding ti sehla ol lo ding. Tu Photoshop CS6 upgrade ding si le 399$ a siih thar lei ding si ah cu 500 $ leng lo a si. Cuzah in cu kawlram (ram farah dang tla) dinhmun ah cu lei a ol lo nasa ding. Sinan kawlram ah Photoshop maw window 1 ah 1000 ks lawng a si, hih computer gigs pawl ih zar ah.

Open Source Software petu bulpak pawl ruangah ah tuni ah online ah thil tamtak free in kan hmu thei. Tusanah cu bulbak lawng si nawn lo in Company tampi tla cu Open Source in an ding. Leitlun ih online Singphahrang a si mi Google , Facebook, Youtube, Blogger, WordPress ti pawl tla cu Open Source an si. A lak in thu le hla (information) le service mi an pe nan an ngah kir sal mi an pe mi hnak in a tam sawn. Man la, a zuar pawl hnak in an ti tha sawn riangri. Kan Bible ih “Pek uhla pek nan si ve ding a ti bang in.”

Francis Cung Bik

Na ruahnak