Pa bawmtu

Home » Cahram » Pa bawmtu

By vcth on January 26, 2016.

Pa bawmtu

John lsl

Inntlun khaan fiakte in inntang khaan kau deuh ah a pa’i cauk thair a bawm rero tu fapa te cu a thatho ngaingai. A pa ih thupi tak ih a ruatmi cauk pawl ṭha le rem sinsin a sinak ding ih rak tel ngah ve kha nuam a ti zet. A lung khal awi ngaingai.

Sinan a hlawptlo ruah in cu a ṭhahnem tuk lo. A nauhak tuk, tlun le hnuai ṭumkainak lilawn le a fiak, cauk le an tum, a thazang nih a tlin lo, a ṭang zet nan ziangngai a rak ṭhahnem thei lo. Bawm lo hman sehla a pa’i hnaṭuan a sot sawn ding. Naan a pa nih thinsau ten a ṭuan pi rero.

Cauk tum nawn pawl a phur, a zuam, har zet in a teimak. A ṭum, a kai, a baang. Cauk tom thawn a ṭum saal, a rit tuk, a tithei nawn lo, a cau, a cauk pawl a thlak, lilawn ah a to, poi a ti tuk, “Ka pa hrang thil ṭha ka tuah sak thei lo” tiah a mah le mah a mawhthluk aw. Cule riahsia zet in a ṭap.
A pa a ra, a cauk thlakmi pawl a sar, a fapa kut ah a ret. Cauk a pommi fapa te cu a cawi ih a ṭum pi. Cutin an cauk thair cu an peh vivo.

Fapa nih a pa’i cauk a phur. Cule a pa nih fapa cu a cawi.

Ron Mehl ih Dad’s Helper

Na ruahnak