Pa’i Laksawng

Home » Cahram » Pa’i Laksawng

By vcth on September 1, 2013.

Kum 11 nauhaknu te in a pa hnenah, “Kum 15 ka kim tikah ziang laksawng i pek ding?” tiah a sut. A pa nih, “ Ka thei hrih lo, rei tuk a duh lai ual” a ti.

Kum 14 a luan a fala zikah nunaunu te cu rin lo pin a tluk ih sizung ah zamrang ten an kuat. Sibawi pa nih a zohfel hnuah a pa hnenah a lung a dam lo tuk, hitin cu a nun a peh thei nawn lo ding tiah a sim.

A fanu te cu sizung ihkhun ah beidong zetin a zau, cun, a pa hnenah, “ Ka thi ding ti an lo sim ko lo maw?” tiah a sut. A pa in, “ Na thi lo ding” tiah a let. A fanu in, “Ziangah cutin fiangten na sim thei?” A pa in, “ Ka thei.”

Kum 15 a kim ah fala nu te cu a dam vivo ih sizung ihsin inn lam a pan. A ihkhun parah a hrangih ca tanmi cu a hmu.

“Ka fanu, hih ca na siar tikah ziangah na dam tengteng ding ti ka lo tinak a san na theifiang zo ding. Hlanlai ah i sut dah, ka kum 15 kimah ziang laksawng i pek ding tiah, ka lo pek ding laksawng hi ka nunnak a si ti ka rak thei lo.”

A pa nih a duhdawtmi fanu hrangah nunnak liam in a lung a pek si cu!

John LSL

Pa’i Laksawng

Na ruahnak