Pathian hrangih Pek-awknak

Home » Nitin Manna » Pathian hrangih Pek-awknak

By vcth on May 4, 2017.

NITIN MANNA

May 4
Tlawngkai Nili

Pathian hrangih Pek-awknak

Minung fimthiamnak ih a theih thluh thei lomi
A duhdawtnak cu nan thei ko dingih
a famkimmi Pathian a sinak thawn
nan nunnak cu a khat ding.
– Efesa 3:17-19 [Efesa 3:14-21]

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

1826 kum ah Mirang (English) cangan thiam Thomas Carlyle in cangan thiam a si ve mi Jane Welsh nupi ah a ṭhit. Anupi in a pasal Thomas ih hnaṭuan hlawhtlin theinak dingah thinlung tak te’n pumpe aw in a pasal cu a rian.

Pumpilam dam lonak le thahrilam natnak ruangah Thomas cu a thinlung put a dangzet. Curuangah ca a ngan theinak dingah a nupi in rawl ṭhaṭha a pek ih an inn khal thawmvang awn au ruri zianghman um lo dingin a kilveng.

Thomas in an nu ih bomnak le tuamhlawmnak cu lawm leuhleuh in amah thawn caan a hmang lemlo na’n a nu hnenih a cakuatmi ah a nupi thu hi ti’n a ngan: “Ka phu lomi mangbangza pek awknak thawn i duhdawt cu ka thinlung in a thei. Lunghmuizet in i zoh ih kan mit a ton awk tinte’n ruahsannak thar i pek.”

Kannih khal misual kan si cing nain kan phu lomi mangbangza pek awknak thawn duhdawtu kan nei. Cumi cu, “A Fapa neihsun hman zuah loin kan zate hrangah in petu Pathian a si” (Rom 8:32). A duhdawtnak cu a thuuk, a saang, a sau ih a kau fawn (Efesa 3:18).

Pathian ih duhdawtnak theithiam le lawmh ding a thupituk ruangah Paul in, “Nan hram cu duhdawtnak sungah bun aw uh,” tiah a dil (c. 17). Cuih thil cu kan hmuhton vemi si hramseh. – Anne Cetas

Vancung ih ka Pa Pathian cu a thupibik ringring,
Ziangahtile a thlengh aw dah lo ih amah ringring a si;
Mani, tuihsuun, thaisuun a kumkhua in rin tlak a si,
I duhdawt ti ka thei, A hmin thianghlim thangṭhat uh. – Felten

Pathian in i duhdawt
ti theih hnakin a tum sawnmi
lungawinak dang a um lo

Na ruahnak