Pathian ih Cahnak Langternak – Nitin Manna

Home » Nitin Manna » Pathian ih Cahnak Langternak – Nitin Manna

By vcth on March 4, 2016.

NITIN MANNA March 4, Tlawngkai Ninga

Pathian ih Cahnak Langternak

Ka lo sim Peter, nang cu lungto na si;
hih lungpi par ahhin ka kawhhran ka din dingih
thihnak hman in a neh thei dah lo ding.
– Matt. 16:18 [Matt. 16:5-26]

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

Zumtu pawl in Jesuh Lungpi parih kan din tikah le Amah cu a thlengh aw dah lomi ti kan zumfek tikah Pathian cu a lungawi. Pathian na zum fek asile khawsia ih thiltitheinak cu na do neh thei ding a si. Ka nunnak sungah caan tampi Amah ka zum ngam caan ah hminsin tlak tontehnak tampi ka nei ttheu.

Nikhat cu tlangleng thawn khual ka tlawng ih tlangleng sung ahcun mi pahnih nufate damlozet an rak um. An hnenah, “Zoh uh, himmi zaal sungah thil pakhat leitlun ih natnak ziangtinkim damter theitu ka nei. Ziangtik hman ah ti suak loin a um dah kel lo,” ka ti. Theih an hiartuk thlang ih an hnenah himi cu ziangvek natnak khal a tidam thei, damter thei lomi zianghman a nei lo ti’n ka sim ciamco. Netabik ah annih in sii forkhat dil ngamnak ralthatnak an vun nei thlang. Cuticun ka zaal cu ka vun ong, ka Bible cu ka suah ih, “Keimah cu a lo damtertu BAWIPA ka si,” (Suah. 15:26) timi ka siar sak.

Pathian Tongkam cu ziangtik hmanah thilti suak loin a um dah lo. Na zum ngam ahcun a lo damter ding. Minung tampi in an dam theinak dingah thil tampi an hawl ttheu ih an theih hngilh le zianghman ih an siar lomi cu ol te ih ngah theimi “Gilead ih Balm” hi a si (Jeremiah 46:11). Mangbangza damter theitu siibawi thu ka sim tikah Pathian an zum ih an nufa rori in tlangleng par ahcun an dam cih hngalh.

Pathian in A Tongkam – Bible hi mankhungzet in a retmi a si ruangah leitlun hmuntin khual ka tlawnnak ah Bible hi ziangtik hmanah ka thlah dah lo. Pathian Tongkam sungah nunnak a um. A sungah huham cahnak a um. Bible sungah Khrih ka tong ngah. Jesuh Khrih cu ka thlarau, thinlung, taksa nunnak hrangah ka ttulbikmi umsun a si. Bible in A Hmin sungah huham a um, a timi le A Thiisen sungah thianhlimternak a um, ti’n in sim. “Kiosa hman rilrawng in an um ttheu; sikhalsehla Bawipa ih duhnak a thluntu cu thil ttha an hlawhsam dah lo” (Saam 34:10).

Bawipa in tithei lomi a nei lo (Matt. 19:26). Pathian in ziangtluk minaa besiazet khal a damter thei. Mi ttihhrut pawl, “Nan thilrit cu Bawipa hnenah tthum uhla, nan tha a lo damter ding” (Saam 55:22). Amah zohtu an lungawi (Saam 34:5). Atu rori ah zoh aw!

Zumnak cu a cangvai; zumnak cu a khir mai.
Zumnak cu thoktu a nei, ih zumnak a thoktu le
a famkimtertu cu Jesuh a si (Hebru 12:2).

Nitin Manna

Na ruahnak