“Pathian tello in ka ti theilo” a titu Aung La N’Sang

Home » Thuthang » Ramsung » “Pathian tello in ka ti theilo” a titu Aung La N’Sang

By vcth on November 4, 2017.

Kachin pacak, Kawl Saphai tiih theih lar, Aung La N’Sang cun Hong Kong pacak Alian Ngalani cu November 3 zaan ah a neh ta riai. Aung La N’Sang cun, “Pathian tello in, keimai cahnak men in hi nehnak ka ngah theilo,” tiah a ti.

Aung La le Ngalani thong awknak ah mi tampi in Ngalani in a neh tengteng ding tiah an ruat. Mihrekkhat cun David le Goliath thawi aw vek a si tiah an ti.

MMA middle weight Champion a ngah ttum, Vitaly Bigdash thawn an thong aw ttum, ah tla Aung La cun, “Pathian tello, ka team pawl ih ttanpitnak tello le mipi thapeknak tello in hi nehnak ka ngah thei lo,’ tiah a rak ti.

Aung La N Sang cu May 21, 1985 ah Kachin ramkulh khawlipi Myitkyina ah a suak. Aung La cu kum 18 a tiih US ah refugee in a feh. Aung La cu Andrews University in Berrien Springs, Michigan ah Agriculture Science kai phah in Brazilian jiu-jitsu lek a thok. 2005 ah Aung La cu a hmaisabik MMA puai a thong thok.

2014 ah One Championship ah thong dingin lungkimnak a nei. Aung La cu One Championship a thong hnu ah voikhat lawng a sung lai. Aung La cu June, 30, 2017 ah Vitaly Bigdash a neh ih Kawlram mi ihsin MMA Middle Weight champion hmaisabik ngahtu a si.

Kan dung Champion a ngah lai ih a ttongmi >>>>

Na ruahnak