Penang leimin ah mi 11 thi, Myanmar mi tla tel

Home » Thuthang » Malaysia » Penang leimin ah mi 11 thi, Myanmar mi tla tel

By vcth on October 22, 2017.

Malaysia ram, Penang, Tanjung Bungah ah October 21 ah leimin in hnatuantu minung 11 a silh ih mi 9 ih ruak cu an hmu zo tiah theih a si.

Hi leiminnak hmun ah inn dot 49 le inn dot 12 an sak. Cui inn saknak ih hnatuantu pawl cu leimin in a silh ih mi 9 ih ruak cu an hmu zo, nan mi 2 ih ruak cu an hmu hrih lo.

A thimi ah Myanmar rammi, Bangladesh mi, Indonesia mi le Malay mi pawl tla an tel.

Hi inn saknak thawn pi 500 hrawng hlatnak ah lung laihnak khur thukpi a um. Hi lung laihnak cu 1960 ihsin an lai thok zo mi a si. Curuangah Natural Resources and Environment Ministry in hi hmun ah inn sak lo dingin an rak kham.

Asinan inn saktu pawl cun tualsung tuanvo neitu pawl thawn kom aw in an sak thotho.

Environmental Impact Assessment (EIA) ih tuanvo neitu cun, “lung laihnak (Teik Granite Quarry) thawn naituk ah inn tumpi an sak ruangah a min. Tu hnu lam ah hi vek thil cang nawn lo dingin Penang province tuanvo neitu pawl in nasa zetin an cek fel a tul,” tiah a ti.

Source: The Star

Na ruahnak