Philip Maung, Hissho Sushi CEO in a cawl ding

Home » Thuthang » Ramsung » Philip Maung, Hissho Sushi CEO in a cawl ding

By vcth on October 17, 2017.

USA ih Sushi company tumbik pakhat a simi Hissho Sushi a dintu le a neitu Philip Maung cu Hissho Sushi ih CEO ihsin a cawl ding tiah theih a si.

Hissho Sushi cu Philip Maung ih hruainak tang ah kum 19 tluk a rei hnu ah tu ahcun US ram States 41 ah dawr 1,100 lenglo an nei zo.

Philip Maung cu Myanmar ram ihsin 1989 ah US ah USD 13 thawn a thleng. Cutin a zuam vivo ih 1998 ah a nupi Kristina thawn Hissho Sushi an din.

Philip Maung ih hnatuan a sawngtu ding cu Daniel Beem a si. Philip Maung in, “Daniel Beem cu Sushi lam tuannak ah hmuhtonnak a nei lo nan President of Krispy Kreme le President of Cold Stone Creamery ti vek rak tuan dahtu a si. A hruainak tang ah Hissho Sushi hi hi-hnakin a tthangso sinsin ding ka zum,” tiah a ti.

“Hissho Sushi ihsin suak ding cu har ka ti zet. Kan fa le an upa vivo ih hmun dang an feh ttul vek a si ko. Ka no te lai ihsin nasa zetin hna lawnglawng ka tuan. Tlawng tla tthitha in ka rak kai man lo. Curuangah hnatuan ihsin cawl in kei mah le kei mah tat aw, battery thun aw ka ttul tiah ka ruat,” tiah Philip Maung cun Hissho Sushi CEO ihsin a cawlhnak san a sim.

Na ruahnak