Rakhine ralkap (AA) pawl in Chin tlawngta kap that

Home » Thuthang » Chin News » Rakhine ralkap (AA) pawl in Chin tlawngta kap that

By vcth on November 9, 2017.

Arakan Army tiih theihmi Rakhine ralkap pawl cun Paletwa peng Nungbu le Nga-sha khua lakih mipi to long pakhat cu cozah ralkap to mi long ah an ruat ih an kapnak ah Chin phungsang tlawngta pakhat a thi ih nupi nu 3 hriamhma an tuar tiah theih a si.

Hi long cu Shinletwah khua ih tlunglam a si. Long parah Tlangval Salai Aung Soe, Long mawngtu le pitar 3, an zaten totu 5 an si.

November 8, zinglam nazi 10:30 hrawngah AA ralkap pawl cun cozah ralkap long ah an ruat ih an kap. Cutiih an kahnak ah Tlangval Aung Soe cu cerek in a ngah ih a nunnak a cem tiah Khumi Media in a than.

Hriamtuar pitar pathum cu Paletwa sizung ah an um. Salai Aung Soe, kum 21, cu Kyuatphu khua ih Sethmuh, Tikpan tlawngta a si.

Hi tiih Chin mipi an kah thatnak, hliam an tuarhnak le zonziah retheih an peknak parah AA lam in ziang riahsiatpitnak ca tluan khat hman an ngan lo le aw-kam kam khat hman ngaithiam an dillo cu Chinmi hrang ahcun thin a na zet.

Chin ramkulh cozah cun harsatuar sizung um pawl hrangah minung pakhat ting 1 ciar le a thimi innsungsang hrangah topitnak ting 3 peknak an nei tiah theih a si.

Peletwa peng ral can ttheunak hmun tampi ahcun Cozah ralkap ttih in le AA pawl ttih in khua an sa. An hrangah Pathian in remdaihnak khuakang sak hram seh ti thlaza kan cam sak.

Na ruahnak