Rohingya ti tongfang hi hman a theih lo maw si?

Home » Thuthang » Leitlun Thuthang » Rohingya ti tongfang hi hman a theih lo maw si?

By vcth on December 4, 2017.

Tulai Myanmar Social Media khawvel ah Pope in Rohingya ti tongfang a hman ruangah mipi tampi an thinheng. Pope tla naza zetin an soisel. Pope Francis in Myanmar ram a um sungah Rohingya ti tongfang a hmang lo. Bangladesh ah hi Rohingya harsa, Refugee pawl a veh ah voikhat te a hmang.

Myanmar ram a tlawn lai ah Myanmar ram le mipi a upat ih Rohingya ti tongfang fangkhat hman a hmang lo, nan Bangladesh ram ih an mah Rohingya Refugees pawl a ton ih cui tongfang ahman ruangih rak thinheng ven ciamco cu an roh tukin ka hmu.

Myanmar rammi pawl in Rohingya ti tongfang hi tonglo dingin mi kham theinak thu an nei maw?Rohingya ti tongfang a hmangtu pawl hmauhhmauh huat le ral-cai ringring hi teh a dik pei maw?

Rohingya tihi tunai lawng ih rak pawtmi tongfang a silo. Santhuanthu cabu tampi sungah tla hmuh theih a si. Asinan tulai ARSA paw ih Rohingya timi hi Political movement pakhat ah an hmang. Myanmar ram le mipi in ARSA pawl ih cangvaihnak, policy sawn hi nasa zetin dem ding an si. Anmah mipi in Rohingya ti hman an duh ahcun an duh vekin a kotu in a kawh cu thinheng ding a silo.

Na ruahnak