Singapore ah Kawlram hnen-um inn dot 19 in dawp

June 12 zaanlam ah Singapore ram, 180 Depot Road, Interlace Condo dot 19nk ihsin Kawlrammi hnen um pakhat a dawp that tiah theih a si.

A dawp thatmi nu cu Kawlrammi a siih a hmin ah Zin Mar Oo tiah theih a si. Inn dot 19nk ihsin a dawp hlan ah kiangkap um pawl in siseh, SCDF (Singapore Civil Defence Force) rescue team in tong lettu thawn siseh nazi pakhat lenglo dawplo dingin an lem nan an lem thei lo.

An inn kiangih Indonesia hnen um nu in ko sak uh ti ah ti, nan Indonesia hnen-um nu an khawh man hlan ah a rak dawp that.

Indonesia hnen-um nu hnen ah a thiamtawk mirang ca in a nganmi ca uk te a pek ih cunah ahcun ‘A agent in ko sak dingin” zangfah a dilnak tla a tel.

Vansiatnak ah a dawpnak hmun hi run harnak hmun a si, a tanglam ihsin sur, a nemmi tangphah tivek ret remcang lonak a si.

A dawpnak inn Interlace Condo cu innkhan 1040 ummi innpi a siih 2015 ih World Architecture Festival ah World Building of the year ngahmi inn a si.

Na ruahnak