Singapore tlawng sayakyi pakhat ih tlawngta nulepa hnen ih cakuat

Home » Cahram » Theihkauhnak » Singapore tlawng sayakyi pakhat ih tlawngta nulepa hnen ih cakuat

By vcth on November 15, 2017.

Singapore ram tlawng pakhat ih tlawng sayakyi pa cun camibuai pi phi zik ah tlawngta pawl ih nulepa hnen ah hitin ca a kuat…….

Dear Nulepa pawl

Nan fale pawl ih camibuai cu a rei hlan ah tuah ding a si. ‘Kan fale camibuai an phi thei pei maw, an hmat tthapei maw’ tiah nulepa tampi cu thinbang le khuaruah har in nan um.

Asinan hihi rak cing uh…. Camibuai phitu tlawngta pawl lakah Tinchia (Math) a thiamlo mi artist, Santhuanthu, English, Calai lam a paih lemlo mi thil pakhatkhat sersuaktu Entreprenuer an tampi ding. Chemestry thiamlo zetmi Awnmawi thiam tla an tampi ding. Lehpannak lam a thiam pawl tla hi Physic hnakin physical (taksa) fitness hi an thupit sawn.

Nan fale hmat ttha an ngah a si ahcun lungawi pi uh. Asinan nan fale hmat ttha a ngah lo ruangah an rinsanawknak le an sinak (dignity) hlo ko in cu tuah hram hlah uh. ‘Pate/nute a poi lo ee, hihi camibuai menmen a si, na nunnak ah hi hnakih tumtum thil a thleng dingmi a um lai,’ tiah sim uh. Cun ziangvek hmat an ngah khal le ‘ka lo duh’ ti sim le an parah duhdawtnak lengter ding hngilh hlah uh.

Zangfahten a tlun lam ih ka lo simmi hi tuah hram uh. Cutiih nan tuah a sile na fale in an nunnak ah nehnak an comi nan hmu tengteng ding. Camibuai pakhat lole hmat ttha ngah lonak in nan fale ih an thiamnak (talent) le sunmang a lak hlo thei lo. Doctor le Engineer pawl lawng hi leitlun ih mi nunnaum an si tiin ruat hla uh.

Upatnak thawn..

 

Na ruahnak